लन्डनमा कोरोना संक्रमित नेपाली निको भएर घर फर्किइन्

कान्तिपुर संवाददाता

लन्डन — लन्डनमा कोरोना संक्रमित एक नेपाली महिला उपचारपछि निको भएर घर फर्किएकी छन्।  

कोभिड-१९ पोजिटिभ देखिएपछि गत शुक्रबार अस्पताल भर्ना भएकी भगवती रानाभाट मंगलबार डिस्चार्ज भएको उनका पतिले जानकारी दिए। 'चिकित्सकहरुको बैठकपछि उनलाई डिस्चार्ज गर्ने निर्णय भएको रहेछ। अहिले हामी एउटै घर तर बेग्लै कोठामा छौं। उनी स्वस्थ छिन्। पूर्णरुपमा स्वस्थ हुनलाई अझै एक हप्ता लाग्छ भनेका छन् । उनले औषधि लिइरहेकी छिन् ।'


अस्पतालले श्रीमानसहित छोराछोरीलाई घरमा 'सेल्फ आइसोलेसन' मा बस्न भनेको थियो। १० दिनको सेल्फ आइसोलेसनपछि क्रिटिकल केयर युनिटमा उपचार गरिरहँदा उनले फेसबुकमा आफ्नो अस्पतालको तस्बिरसहित स्टाटस राखेर सबैलाई सतर्क रहन सबैमा अपिल गरेकी थिइन्।


उच्च ज्वरो औषधिले निको नभएपछि उनलाई अस्पताल लगिएको थियो। प्रकाशित : चैत्र १२, २०७६ १२:४२

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

कन्टेनरमा लुकेर आएका ५२ जनालाई क्‍वारेन्टाइनमा राखियो 

भूषण यादव

वीरगन्ज — लकडाउनका कारण अन्य सवारी साधन नपाएपछि कन्टेनरभित्र लुकेर ५२ जना मंगलबार मध्यरातमा वीरगन्ज आइपुगेका  ५२ जनालाई क्वारेन्टाइनमा राखिएको छ । काठमाडौं, भरतपुर, हेटौंडाबाट कन्टेनरमा बसेर आएका उनीहरुलाई प्रहरीले वीरगन्जको घन्टाघरमा नियन्त्रणमा लिएको थियो । लकडाउन छलेर मालवाहक कन्टेनरभित्र लुकेर वीरगन्ज आएका ५२ जनालाई बुधबार बिहान क्वारेन्टाइनमा राखिएको छ । 


काठमाडौंको सतुंगलस्थित इन्जिम हार्डवेयरमा आल्मुनियम अनलोड गरी मंगलबार वीरगन्ज फर्किने क्रममा ना५ख ९५५२ नम्बरको खाली कन्टेनरमा काठमाडौं, चितवन र हेटौंडाबाट ५२ जना यात्रु चढेका थिए। लकडाउन उल्लंघन गरी मालवाहक कन्टेनरमा यात्रु आइरहेको जानकारी पाएपछि मंगलबार राति पर्सा प्रहरीले उनीहरुलाई घन्टाघरबाट नियन्त्रणमा लिएको हो।

सबै यात्रु र चालकलाई बुधबार बिहान क्वारेन्टाइनमा पठाइएको सहायक प्रमुख जिल्ला अधिकारी ललितकुमार बस्नेतले जनाए। ‘३ बालबालिका, एक महिला र चालक गरी ५३ जनालाई क्वारेन्टाइनमा पठाएका छौँ,’ सहायक प्रजिअ बस्नेतले भने, ‘यात्रुहरुको स्वास्थ्य परीक्षण गरेपछि के गर्ने भन्ने निर्णयमा पुग्छौँ।’

प्रहरी नायब उपरीक्षक विरेन्द्र शाहीका अनुसार लकडाउन उल्लंघन गरी खाली कन्टेनरमा यात्रु लुकेर वीरगन्ज आएको सूचना पाएपछि प्रहरीले मंगलबार मध्यरातमा वीरगन्जको घन्टाघर चोकबाट उक्त मालवाहक कन्टेनर नियन्त्रणमा लिएर चेक गरेको थियो। कन्टेनर खोलेर हेर्दा ५२ जना भित्र बसिरहेका थिए। लरी चालक शिवनारायण महरालाई समेत प्रहरीले नियन्त्रणमा लिएको छ।


प्रतिव्यक्ति २ सय रुपैयाँ भाडा लिने गरी चालकले कन्टेनरमा चढाएको यात्रुले खुलाएका छन्। कन्टेनरमा आएका यात्रु पर्सा, बारा र रौतहटका स्थायी बासिन्दा हुन्। जीविकोपार्जनका लागि गएका उनीहरु सरकारले लकडाउन गरेपछि अन्य सवारीसाधन नपाएपछि कन्टेनरमा लुकेर आएको बताएका छन्।

खाली कन्टेनरमा काठमाडौंबाट लुकेर वीरगन्जसम्म आएका बारा मोतीसरका रमेश बैठाले काम गर्ने पसल बन्द भएपछि साहुले घर जाउ भनेपछि फर्केर आएको बताए। सुरुमा चालकले कन्टेनरमा चढाउन नमानेपछि हारगुहार गर्नुपरेको चितवनको भरतपुरबाट चढेका पर्सा मुड्लीका सन्दीप कलवारले बताए। चालक महराले यात्रुले बाटो नै छेकेपछि चढाउन बाध्य भएको दाबी गरेका छन्। जिल्ला प्रशासन कार्यालयका सूचना अधिकारीसमेत रहेका बस्नेतले लकडाउनमा यात्रु ओसार्ने चालकलाई संक्रामक रोग ऐन र स्थानीय प्रशासन ऐन अनुसार कारबाही गरिने बताए।

प्रकाशित : चैत्र १२, २०७६ १२:२१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×