नेपाली भूमी मिचिएको विरोधमा फ्रान्सस्थित भारतिय दूतावास आगाडि नेपालीको प्रदर्शन

ददि सापकाेटा

फ्रान्स — फ्रान्सवासी नेपालीहरुले भारतद्वारा अतिक्रमित नेपाली भूमी फिर्ता गर्नुपर्ने माग गर्दै बिहीबार पेरिसस्थित भारतिय दूतावास अगाडि प्रदर्शन गरेका छन् ।

ZenTravel

फ्रान्समा बसोबास गरिरहेका नेपालीका तर्फबाट संयुक्त रुपमा आयोजना गरिएको प्रदर्शनमा नेपालको भूभाग समेटेर भारतले सार्वजनिक गरेको नयाँ नक्शा सच्याउनुपर्ने, नेपालमाथिको भारतिय हस्तक्षेप बन्द गर्नुपर्ने, लिपुलेक, कालापानी लिम्पियाधुराबाट भारतीय उपस्थिति हट्नुपर्ने मागसमेत गरेका छन्

विरोध सभामा नेपालीहरुले भारतीय अतिक्रमण विरुद्ध चुप लागेर नबस मिचिएको भूमी फिर्ता भए यस विषयलाई अन्तर्राष्ट्रियकरण गर्नुपर्ने बताए

Meroghar

प्रदर्शनीका क्रममा नेपालीहरुले 'आफ्नो छिमेकीलाई नसताउ, नेपालीलाई शान्तले बस्न देउ, भारतीय हस्तक्षेप अति भो' भन्दै फ्रान्सेली भाषामा लेखिएका प्लेकार्ड समेत देखाएका थिए

प्रदर्शनीपछि नेपालीहरु भारतीय दूतावास मार्फत् भारत सरकारसमक्ष विरोध पत्र बुझाउन गएका थिए तर भारतीय दूतावासका कर्मचारीले विरोधपत्र लिन अस्विकार गरे

विरोधपत्रसमेत लिन अस्विकार गरेपछि नेपालीहरुले भारतीय सरकार विरुद्द झन कडा नाराबाजी गरेका थिए

प्रकाशित : मंसिर १३, २०७६ ०९:४५
ADVERTISEMENT
प्रतिक्रिया
पठाउनुहोस्

बौद्धमा फुटपाथ पसल सञ्चालनमा रोक

कान्तिपुर संवाददाता

काठमाडौँ — बौद्ध क्षेत्रमा फुटपाथ पसल सञ्चालनमा रोक लगाइएको छ । सहज रूपमा हिँड्न नपाएको भन्दै पैदलयात्रीको उजुरी आउन थालेपछि काठमाडौं महानगरपालिकाको वडा नम्बर ६ ले यस्तो निर्णय गरेको हो ।

‘हिँड्न समस्या भएपछि वडामा धेरै उजुरी आउन थालेको थियो,’ वडाध्यक्ष दीपेन्द्र लामाले भने, ‘सुरुमा एक हप्ता माइकिङ गरेर पसल सञ्चालकलाई सचेत गराएका थियौं ।’ पीपलबोट र बौद्धगेटलगायत क्षेत्रका फुटपाथमा ठेला र पसल नै राखेर व्यापार हुँदै आएका थिए । वडाका अन्य क्षेत्रका अव्यवस्थित पसल पनि हटाइने उनले बताए । ‘बौद्ध स्तूप विश्व सम्पदामा सूचीकृत क्षेत्र हो, दैनिक पर्यटकको भीड हुन्छ,’ वडाध्यक्ष लामाले भने, ‘जथाभावी ठेला राख्दा ओहोरदोहोरमा समस्या देखिएकाले यस्तो निर्णय गरेका हौं ।’ वडाले शुक्रबार बौद्ध क्षेत्रको अनुगमन क्रममा सातवटा ठेलागाडा जफत गरेको छ ।




प्रकाशित : मंसिर १३, २०७६ ०९:३७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×