डढेलोबाट पीडितको सहयोगार्थ सहयोग जुटाउँदै नेपाली

आगलागीका कारण सयौं सर्वसाधारण घरवारविहीन भएपछि केही मात्रामा भए पनि राहत पुर्‍याउने उद्देश्यले नेपालीहरूले मंगलबारदेखि सहयोग रकम जुटाउन थालेको एनआरएनए अस्ट्रेलियाले जनाएको छ ।

‘अस्ट्रेलिया सबै नेपालीको कर्मभूमि भएको र आफूहरूलाई पर्दा स्थानीयले सहयोग गर्ने भएकाले अभियान सुरु गरिएको हो,’ एनआरएनए अस्ट्रेलियाका महासचिव डा. ज्ञानेन्द्र रेग्मीले भने । संगठनका सबै सदस्यलाई सहयोग गर्न आग्रह गरिएको र सहयोग संकलन गरिरहेका अन्य नेपालीसँग समन्वय गरेर एकमुष्ट हस्तान्तरण गर्ने रेग्मीले जनाए ।