एनआरएनए कतारमा मुक्तदा निर्वाचित

कान्तिपुर संवाददाता

काठमाडौँ — गैरआवासीय नेपाली संघ(एनआरएनए) कतारको आठौं महाधिवेशनले कपिलवस्तुका मुक्तदा मुसलमान अध्यक्ष पदमा निर्वाचित भएका छन् । प्रतिस्पर्धी तेज कटुवाललाई ९ सय ४६ मत अन्तरले पराजित गर्दै उनी अध्यक्ष पदमा निर्वाचित भएका हुन् । मुक्तदाले दुई हजार ६६ सय मत प्राप्त गरेका थिए । 

प्रथम उपाध्यक्षमा उत्तम गुरुङ, द्वितीय उपाध्यक्षमा कुमार खड्का निर्वाचित भएका छन्। महिला उपाध्यक्षमा सरिता भण्डारी पौडेल र्निविरोध निर्वाचित भएकी छन्। महासचिवमा पदम गिरी, सचिवद्वयमा नेत्रकुमार भुजेल र अफसरअली खान, कोषाध्यक्षमा विनोदप्रसाद बसौला, सह-कोषाध्यक्षमा मोहम्मद तानविर मोहम, युवा संयोजकमा रविन मगर निर्वाचित भएका छन्। महिला संयोजकमा अम्बिका खत्री र्निविरोध निर्वाचित भइन्।

कार्यसमिति सदस्यमा क्रमशः गजेन्द्र राई, सुनिलकुमार घिमिरे, केशवराज कार्की, ओमबहादुर क्षेत्री, केशवप्रसाद खनाल, गोपाल खतिवडा, नरेश श्रेष्ठ, राजु राई, ज्वाला शाही, झबिन्द्र आचार्य, घनश्याम जैशी, बालकृष्ण न्यौपाने, अवधेश कुमार मन्डल, अब्दुल खालिक शेख, सेवक बिक, सञ्जय राजक, शेख अब्दुल राजिक र मो सकिल अहमद निर्वाचित भए। लेखा संयोजकमा मुख्तार आलम र लेखा समिति सदस्यमा पुरुशोत्तम लामिछाने र कबिन्द्र कँडेल निर्वाचित भएका छन्।

कतारलाई प्रतिनिधित्व गरी गैरआवासीय नेपाली संघको अन्तर्राष्ट्रिय समन्वय समितिको सदस्यमा भने सबैभन्दा बढी मत ल्याएर रमेश भट्ट, होमनाथ शर्मा , युवराज शर्मा र केवी हमाल निर्वाचित भएका छन्।

प्रकाशित : भाद्र १०, २०७६ १६:१०
प्रतिक्रिया
पठाउनुहोस्

करणी र बैंकिङ कसुर मुद्दाका फरार २ जना पक्राउ

कान्तिपुर संवाददाता

काठमाडौँ — करणी र बैंकिङ कसुर मुद्दाहरुमा फरार दुई जनालाई प्रहरीले पक्राउ गरेको छ । पक्राउ पर्नेमा काठमाडौं कागेश्वरी मनोहराका २८ वर्षीय सुमन खड्का र तारकेश्वरका ५५ वर्षीय प्रभात विक्रम थापा छन् । 

खड्कालाई जबरजस्ती करणी मुद्दामा उच्च अदालत पाटनले २०७१ असोज १० गते ४ वर्ष ५ महिना १ दिन कैद हुने ठहर गरेपछि उनी फरार थिए । उनलाई केन्द्रीय अनुसन्धान ब्यूरोको टोलीले आइतबार क्षेत्रपाटीबाट पक्राउ गरेको जनाएको छ । खड्काले १५ वर्षीया बालिकालाई आर्थिक प्रलोभनमा देखाइ पटक-पटक करणी गरेको मुद्दामा उच्च अदालत पाटनलले दोषी ठहर गरेको थियो । सोही मुद्दामा काठमाडौं जिल्ला अदालतले भने सफाइ दिएको थियो ।

त्यस्तै, थापालाई बैंकिङ कसुर मुद्दामा उच्च अदालत पाटनले २०७५ चैत ४ गते ८ लाख ५० हजार रुपैयाँ जरिवाना र १५ दिन कैद हुने ठहर गरेको थियो । सजाय वेरुजु राखी फरार रहेका थापा सोमबार गल्कोपाखाबाट पक्राउ परेका हुन् । उनले जाहेरवाला अर्जुन तामाङलाई पर्याप्त रकम नभएको सिभिल बैंकको खाताबाट भुक्तानी हुने गरी ८ लाख ५० हजारको चेक दिएको तर भुक्तानी नपाएपछि मुद्दा चलाइएको थियो ।

प्रकाशित : भाद्र १०, २०७६ १६:०६
पूरा पढ्नुहोस्
प्रतिक्रिया
पठाउनुहोस्