कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

अष्ट्रेलिया आउने विद्यार्थीलाई निशुल्क एयरपोर्ट सेवा

नारायण खड्का

अष्ट्रेलिया — उच्च शिक्षाका लागि अष्ट्रेलिया आउने नेपाली विद्यार्थीहरुलाई मेलबर्न र सिड्नीमा रहेका युवाहरुले एयरर्पार्टबाट नि:शुल्क पिकअप लगायतका सेवाहरु सुरु गरेका छन् ।

अष्ट्रेलिया आउने विद्यार्थीलाई निशुल्क एयरपोर्ट सेवा

करिब डेढ महिनाअघिदेखि युवाहरुले मेलबर्नबाट सुरु गरेको यो निशुल्क सेवा अहिले दैनिक एकदेखि ६ जनासम्मले लिइरहेका छन् । मेलबर्नका बिष्णु सापकोटा लगायतका युवाहरु मिलेर सुरु गरेको यो सेवा नेपालबाट विद्यार्थीको रुपमा पहिलोपटक अष्ट्रेलिया आउने जोसुकैले पाउने गरेका छन् । सापकोटाका अनुसार अहिले अष्ट्रेलियामा रहेका ७ जना युवाहरु यो सेवामा लागिपरेका छन भने आउँदो सातादेखि सिड्नीमा पनि यो सेवा सुरु हुदैछ । यो सेवालाई अझ बिस्तृत सहज पहुँचका लागि ‘अष्ट्रेलियामा साथी’ नामको फेसबुक पेज नै सञ्चालनमा ल्याएका छन् ।

‘हामीले पहिलोपटक आउने नेपाली विद्यार्थी जसको आफन्तहरु कोही छैनन् उनीहरुलाई सहयोग पुर्‍याउन यो निःशुल्क एयरर्पार्ट सेवा सुरु गरेका हौं ।’ सापकोटाले कान्तिपुरसँग भने । उनका अनुसार एयरर्पार्टको सेवा मात्र नभएर विद्यार्थीहरुलाई कफी बनाउने तालिम, शहरको भ्रमण र जागिरका लागि आवेदन दिन सिभी बनाउने सेवाहरु समेत दिइँदै आएको छ । यो सुविधा नयाँ विद्यार्थीका रुपमा आएका नेपाली युवाहरुलाई प्रदान गर्दै आइएको उनले जानकारी दिए ।

सेवा दिइरहेका युवाहरुले आफूहरुपनि विद्यार्थीको रुपमा भोग्नुपर्ने समस्या भोगिसकेकाले नयाँ आएका विद्यार्थीलाई सुविधा होस भनेर यो सेवाहरु सुरु गरेको सुनाए ।

प्रकाशित : श्रावण २१, २०७४ ११:५९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?