कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५२

सुरु भयो पाँचपोखरी–मेरा ट्रेक

काठमाडौँ — सोलुखुम्बुका तन्नेरीहरूले एक्सप्लोर गरेको दश दिने नयाँ पदमार्ग ‘पाँचपोखरी–मेरा ट्रेक’ शुभारम्भ गरिएको छ । महाकुलुङ पर्यटन सूचना केन्द्र, सोलुखुम्बुले बिहीबार काठमाडौंमा आयोजना गरेको कार्यक्रममा सांसद उत्तम बस्नेत, पर्यटन बोर्डका सिइओ दिपकराज जोशी, टानका केन्द्रीय सदस्य सुकबहादुर लामा, पर्यटनविद् लक्की कार्की र केन्द्रका संयोजक विक्की कुलुङले शुभारम्भ गरेका हुन् । 

सुरु भयो पाँचपोखरी–मेरा ट्रेक

उनीहरूले पदमार्गको नक्सा र बुकलेट विमोचन गरे सँगै पदमार्ग शुभारम्भ गरिएको हो । पाँचपोखरी क्षेत्र नेपाल भ्रमण वर्ष २०२० का लागि सरकारले छनोट गरेका सय गन्तव्यमा परेको छ ।


पदयात्रा महाकुलुङ गाउँपालिकाको बुङबाट सुरु भएर चलेम, हुर्हुरे, पाँचपोखरी, खोलाखर्क, तैमे, छेस्काम, गुदेल, साल्पापोखरी, सिलुछो, साउनेखर्क, गुदेल हुँदै बुङ आइपुग्दा एउटा चक्र पुरा हुने केन्द्रका अध्यक्ष कुलुङ बताउँछन् ।


पदमार्गमा अन्यत्र सामान्य होटल सुविधा भए तापनि तैमे र साउने खर्कमा क्याम्पिङ गर्नु पर्ने बाध्यता रहेको उनले जानकारी दिए ।

प्रकाशित : असार ६, २०७६ १८:३१
प्रतिक्रिया
पठाउनुहोस्
जनताको राय

मन्त्रीहरुले आफ्ना र दलका शीर्ष नेताका निर्वाचन क्षेत्र केन्द्रित गरी विनियोजित बजेटमा सांसदहरूले संसद्मा गरेको विरोधबारे तपाईंको धारणा के छ ?

x