संयमित न्युजिल्यान्ड, अनिश्चित पाकिस्तान

एजेन्सी

म्यानचेस्टर — अर्को एक जितले न्युजिल्यान्डले सेमिफाइनलमा आफ्नो जित सुनिश्चित गर्नेछ । अर्कोतर्फ प्रतियोगितामा टिकिराख्न र सेमिफाइनल प्रवेशको सम्भावना जीवितै बनाउन पाकिस्तानका लागि पनि कम्तीमा जित जरुरी छ ।

जारी विश्वकपको सबैभन्दा संयमित टोली न्युजिल्यान्ड र सबैभन्दा अनिश्चित टोली पाकिस्तानबीचको खेल ओल्ड ट्राफोर्डमा हुनेछ । न्युजिल्यान्ड प्रतियोगितामा अपराजित छ ।

पाकिस्तानले त्यही गरिरहेको छ जस्तो उसले सबैभन्दा राम्ररी गर्नसक्छ । उसले निराशाजनकदेखि सानदार प्रदर्शनको बीचमा रहेर विश्वकप गुजारिरहेको छ । यो निर्धारित गर्न कठिन हुनेछ कि यो खेलले कुन मोड लिनेछ ।

अन्तिम चारमा स्थान बनाउन हुन थालेको तीव्र प्रतिस्पर्धाबीच यस्तो अनुमान लगाउन कठिन हुनु सकारात्मक पक्ष पनि हो ।
एक जितले न्युजिल्यान्ड जहाँ पुग्नुपर्ने हो त्यहाँ पुग्नेछ । अर्थात् सेमिफाइनल । कप्तान केन विलियम्सनकै प्रेरणामा न्युजिल्यान्ड टोली ब्याटिङ, बलिङ र फिल्डङमा मात्र उत्कृष्ट होइन, अंकतालिकामा पनि शीर्षक्रममा छ । रस टेलरले विलियम्सनलाई सहयोग गरिरहेका छन् । तर उनीभन्दा प्रभावशाली प्रदर्शन कोलिन डी ग्रान्डहोमले गरेका छन् । कठिन समयमा रन निकाल्ने र किफायती ओभर बलिङ गरिरहेका छन् ।

तीव्र बलरको कुरा गर्नुपर्दा लोकी फर्गुसनको उच्च तीव्रताले प्रतियोगितामै रोमान्च थपिदिएको छ । ट्रेन्ट बोल्टले आफ्नो स्वीङका साथ उत्कृष्ट रक्षात्मक बलिङ गरिरहेका छन् भने म्याट हेनरी र जेम्स निसमले पनि विकेट लिइरहेका छन् ।

पाकिस्तानले दक्षिण अफ्रिकाविरुद्ध उत्कृष्ट प्रदर्शन गरेको थियो । तर उसलाई अब त्यही स्तर कायम राख्न जितको यात्रा निरन्तरता दिनु जरुरी छ । पहिलो खेलमा वेस्ट इन्डिजसँग पराजित भएको पाकिस्तानले त्यसपछि इंग्ल्यान्डलाई हराएर सनसनी कायम गरेको थियो । ६ खेलबाट ५ अंक जोडेको पाकिस्तानका लागि सेमिफाइनल पुग्ने सम्भावना कायम राख्न बाँकी सबै खेल जित्नुपर्छ ।

खेलको पूर्वसन्ध्यामा म्यानचेस्टरमा वर्षा हुने अनुमान गरिएको छ । बुधबारको मौसममा उल्लेख्य सुधार हुनेछ । तीव्र बलरलाई बल स्वीङ गराउन सहज हुनेछ । मोहम्मद अमिर र बोल्टको प्रदर्शन प्रभावशाली हुने अपेक्षा गरिएको छ ।

प्लेयर्स टु वाच


बाबर आजम (पाकिस्तान)
जारी विश्वकपमा पाकिस्तानको प्रदर्शन अनिश्चित छ । तेस्रो नम्बरका ब्याट्सम्यान आजमको प्रदर्शन भने एकरुपको देखिएको छ । अहिलेसम्म शतक बनाउन नसकेका आजमले दुई अर्धशतक प्रहार गरेका छन्, त्यसमध्ये पछिल्लो खेलमा दक्षिण अफ्रिकाविरुद्ध बनाएको ६९ रन हो । उनले ५ इनिङ्समा २ सय ३२ रन बनाएका छन्, जुन जारी विश्वकपमा पाकिस्तानी ब्याट्सम्यानको सर्वाधिक रन हो ।


रस टेलर (न्युजिल्यान्ड)
न्युजिल्यान्ड टोलीका सबैभन्दा अनुभवी ब्याट्सम्यान हुन् टेलर । विश्वकपमा न्युजिल्यान्डले अहिलेसम्म कप्तान केन विलियम्सनलाई गतिलो साथ दिने ब्याट्सम्यान भेटेको छैन । धेरै हदसम्म टेलरले उनलाई साथ दिइरहेका छन् । ५ मध्ये तीन इनिङ्समा अर्धशतक बनाएका टेलरले वेस्ट इन्डिजविरुद्ध ६९ रन प्रहार गरेका थिए । ३५ वर्षीय टेलरले बंगलादेशविरुद्ध ८२ र अफगानिस्तानविरुद्ध ४८ रन बटुलेका थिए ।

प्रकाशित : असार ११, २०७६ ०८:१४
प्रतिक्रिया
पठाउनुहोस्
ADVERTISEMENT
ADVERTISEMENT

बराबरीले जापान र इक्वेडरलाई घाटा

एएफपी

रियो द जेनेरियो — जापान र इक्वेडरले कोपा अमेरिकामा सोमबार बेलो होरिजेन्टोमा १–१ को बराबरी खेले । यसले दुवै टिमलाई चोट तथा घाटा दिएको छ । उनीहरू दुवैको अनुपस्थितिमा पाराग्वे भने प्रतियोगिताको क्वाटरफाइनल छनोट भएको छ ।

उरुग्वेले भने लिग चरणको अन्तिम दिन समूह ‘सी’ जित्न सफल रह्यो । एडिसन काभानीले खेल सकिन ८ मिनेट अघि गरेको गोल मदतमा पाराग्वेले चिलीलाई १–० ले हरायो ।

डिफेन्डिङ च्याम्पियन चिली पनि हारका बावजुद क्वाटरफाइलन पुगेको छ । तेस्रो स्थानमा रहेर नकआउट चरण पुग्न जापान र इक्वेडर दुवैलाई जित आवश्यक थियो । समूह ‘ए’ बाट पेरु यसअघि नै उत्कृष्ट तेस्रो टिमका रूपमा छनोट भइसकेको थियो । यस्तोमा समूह ‘बी’ को पाराग्वेको भाग्य निर्धारण अरुको हातमा थियो । अन्त्यमा उसलाई भाग्यले साथ पनि दियो । जापानले १५ औं मिनेटमा भारको मदतले सोया नाकिजामाको गोलबाट अग्रता लिएको थियो ।

दोस्रो हाफको दसौं मिनेटमा एलेक्जान्डर डोमिनिकले बराबरी गोल फर्काए । बराबरीको नतिजापछि जापान र पाराग्वे समान अंकमा रहेपछि एसियाली पाहुना टिमलाई गोल अन्तरले पनि धोका दिएको हो । खेलपछि जापानी प्रशिक्षक हाजिमे मोरियासुले प्रतियोगितामा सहभागी हुन आफ्नो टिमका लागि अनुभवको आधारमा ठूलो उपलब्धि भएको बताए । उनले भने, ‘खेलाडीले खेलेरै सिक्ने हो । फुटबलमा कसरी अगाडि बढ्ने हो, यस्तै प्रतियोगिता खेलेर सिक्ने हो ।’

जापानले अर्को वर्ष टोकियोमा हुने ओलम्पिकका लागि भनेर यू–२३ का अत्यधिक खेलाडी राखेर टिम ब्राजिलमा पठाएको थियो । प्रतियोगितामा सहभागी दुई पाहुना टिममध्ये जापानसँगै कतारको पनि लिग चरणमै चुनौती सकिएको छ । एसियाली च्याम्पियन कतार समूह ‘बी’ तीन खेलबाट १ अंकमात्र बटुल्न सफल रह्यो । चिलीसँग पराजित भएयता कतारले उरुग्वे र इक्वेडरसँग भने सुधारिएको खेल प्रदर्शन गरेको थियो ।

अफ्रिकी नेसन्स कप
कायरो– मालीले अफ्रिकी कप अफ नेसन्स पहिलोपल्ट खेलिरहेको मउरिटानियालाई सोमबार ४–१ ले हराएर फुटबलको पाठ सिकाउने प्रयास गरेको छ । यो जितपछि माली समूह ‘ई’ मा बलियो स्थितिमा पुगेको छ । समूहको अर्को खेलमा ट्युनिसिया र एन्गोलाले १–१ को बराबरी खेले । आइभोरी कोस्टले समूह ‘डी’ मा दक्षिण अफ्रिकालाई १–० ले पराजित गर्‍यो ।

कन्काकाफ
ह्युस्टन– कन्काकाफ गोल्डकपमा सोमबार बुर्मडा र हाइटी विजयी रहे ।

प्रकाशित : असार ११, २०७६ ०८:१२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×