डेडिकेटेड-ट्रंक लाइन विवाद : मन्त्रीले हटाएका सञ्चालक समिति सदस्यलाई घिसिङले बैठकमा बोलाए

शुक्रबार नै मन्त्री खड्काले डेडिकेटेड र ट्रंक लाइनको बक्यौता नतिर्ने उद्योगीको लाइन नजोड्ने अडान लिएका सञ्चालक समिति सदस्यद्वय पुन र आचार्यलाई पदबाट हटाउने निर्णय गरेका थिए ।

अर्कोतर्फ, नेपाल विद्यत् प्राधिकरणका कार्यकारी निर्देशकसमेत रहेका सञ्चालक समितिका सदस्यसचिव रहेका कुलमान घिसिङले आइतबार साढे ४ बजे बैठकका लागि पुन र आचार्यलाई पनि बोलाएका छन् ।

शुक्रबार भएको निर्णयको औपचारिक जानकारी सञ्चालक समितिलाई नभएको भन्दै बैठक बस्न लागेको प्राधिकरण स्रोतले जानकारी दियो ।

सञ्चालक समिति सदस्यद्वय पुन र आचार्यलाई इमेल गरेर हटाइएको जानकारी गराइएको थियो । नियमित एजेन्डाबारे छलफल गर्नका लागि सञ्चालक समिति बैठक बोलाइएको र म्यासेज तथा इमेलबाट आफूहरूलाई बैठकमा सहभागी हुन भनी पत्र आएको आचार्यले जानकारी दिए ।

आइतबारका लागि बोलाइको नेपाल विद्युत् प्राधिकरण सञ्चालक समिति बैठकको सूचना :