अजियाटा ग्रुप नेपालबाट बाहिरिने

‘नेपालको परिप्रेक्ष्यमा चुनौतीहरू दिनप्रतिदिन बढ्दै गएपछि बोर्डले नेपालबाट बाहिरिने निर्णय गरेको हो,’ आजियाटा ग्रुपका प्रमुख कार्यकारी अधिकृत तथा प्रबन्ध निर्देशक विवेक सुदले भने, ‘तदनुसार एनसेललाई बिक्रीका लागि राखिएको छ ।’

यो कदमले आजियाटालाई आफ्नो रणनीतिक प्राथमिकताहरू पूरा गर्न अझ बलियो स्थितिमा ल्याउने कम्पनीले जनाएको छ । यो निर्णय सबै शेयरहोल्डरको दीर्घकालीन हितमा रहेको समेत सुदले बताएका छन् ।