राजनीतिक दलकै कारण ठेक्कामा समस्या : अख्तियार आयुक्त अमात्य

'धेरैजसो ठेक्काहरु पूर्व तयारीबिना गर्ने गरेको पाइएको छ,' उनले भनिन्, 'त्यसमा पनि ठेक्का लगाउने विकासे मन्त्रालय तथा निकायबीच नै समन्वय भएको पाइँदैन, जसले गर्दा आयोजनाहरु समयमै सम्पन्न हुने गरेका छैनन् ।'

ठेक्का सम्झौता हुनासाथ पेश्की रकम पाइने भएकाले ठेकेदार तत्काल रमाएपनि आयोजनामा भने काम नहुने गरेको उनले बताइन् । 'किनभने त्यहाँ जग्गा अधिग्रहण भएको हुँदैन, विस्तृत परियोजना रिपोर्ट (डीपीआर) बनिसकेको हुँदैन,' उनले भनिन्, 'कतिपय योजनामा बजेटको सुनिश्चितता नै नहुँदा नियमित काम गर्न समस्या छ ।'

राष्ट्रसेवक भएपछि जनताको पैसाबाट बनेको राज्यको ढुकुटी खर्च गर्न १० पटक सोच्नु पर्ने उनले बताइन् । 'हामी सबैले कमाएको पैसाको अंश जाने राज्यकै ढुकुटीमा हो, किनभने हामी कर तिर्छौं,' उनले भनिन्, 'कर, राजश्व र जनताकै पैसाबाट राज्य चल्ने हो । तर हामीमा खाने भनेको राज्यकै हो भन्ने सोच छ ।'