परिसूचकसँगै सेयर बजारका सबै उपसमूह बढे
काठमाडौँ — सोमबार सेयर बजारको परिसूचकसँगै सबै उपसमूहका सूचक बढेका छन् । विगतका तीन कारोबारमा लगातार घटेको नेप्से परिसूचक सोमबार भने २२.६५ अंक बढेर १९४९ अंकमा कायम भएको छ । कुल १ अर्ब २९ करोडको कारोबार भयो । हिजो १ अर्ब ६ करोडको कारोबार भएको थियो । १७८ कम्पनीको मूल्य बढ्दा ३३ को घट्यो भने ३ को स्थिर रह्यो ।
बैंकिङ ५.५, विकास बैंक ६२, फाइनान्स २६, होटल तथा पर्यटन ६१, जलविद्युत् ५६, जीवन बीमा ९४, उत्पादन ३६, माइक्रोफाइनान्स १५ निर्जीवन बीमा ८३, अन्य २८ र व्यापार उपसमूह ९८ अंक बढे । युनिक नेपाल लघुवित्तको मूल्य भने १० प्रतिशत बढेको छ । न्यादी हाइड्रोको ७.७, नयाँ सारथी लघुवित्तको ६ तथा मानुसी लघुवित्तको ५.६ प्रतिशत मूल्य बढ्यो । सपोर्ट माइक्रोफाइनान्सको मूल्य सबैभन्दा धेरै ५.३ प्रतिशत घट्यो । कारोबार रकमका आधारमा आईएमई जनरल इन्स्योरेन्स, एनआईसी एसिया बैंक, सिटिजन्स बैंक संस्थापक, शिवम् सिमेन्ट र हिमालयन डिस्टिलरी क्रमशः अगाडि रहे ।
