चौथो बर्दिवास महोत्सव सुरु- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

चौथो बर्दिवास महोत्सव सुरु

सुनिता बराल

महोत्तरी — महोत्तरीको बर्दिवासमा चौथो बर्दिवास महोत्सव २०७९ सुरु भएको छ । आर्थिक गतिविधि बढाई व्यापार घाटा कम गराउने र पर्यटन प्रवद्धन गर्ने उद्देश्यले महोत्सव आयोजना गरिएको आयोजक संस्थाले जनाएको छ ।

बर्दिवास उद्योग वाणिज्य संघ र राष्ट्रिय लोक तथा दोहोरी गीत प्रतिष्ठान महोत्तरीको संयुक्त आयोजनामा भएको महोत्वस ११ दिनसम्म चल्ने उद्योग वाणिज्य संघ बर्दिवासका अध्यक्ष विष्णु बहादुर खड्काले जानकारी दिए ।

पन्चेवाजा, जातजातिका भेषभुषा, कलश यात्रा, व्याण्ड बाजा र झाँकीसहितको बर्दिवास बजारमा प्रभातफेरीपछि सुरु भएको महोत्सवको उद्घाट गर्दै उद्घाटन समारोहका प्रमुख अतिथि उद्योग वाणिज्य महासंघका वरिष्ठ उपाध्यक्ष चन्द्र प्रसाद ढकालले महोत्सवले स्थानीय उत्पादनको बजारीकरणसँगै व्यवसाय प्रवर्द्धन गर्न महत्वपूर्ण भूमिका खेल्ने बताए ।

बर्दिवास उद्योग वाणिज्य संघले स्थानीय उत्पादनको प्रदर्शन, जातजातिका भेषभुषाको प्रर्दशन गर्ने जनाएको छ । बर्दिवास उद्योग वाणिज्य संघले बर्दिवासको पर्यटकीय क्षेत्रको सम्भावना र अवसरको पहिचान गर्दै फोटो तथा भिडियो प्रर्दशनी कक्ष समेत महोत्सव स्थलमा राखेको संघका उपाध्यक्ष सन्तोष सिग्देलले जानकारी दिए ।

महोत्सवमा १ सय ७० वटा व्यापारिक स्टल रहेको आयोजकले जनाएको छ । प्रत्येक वर्ष उद्योग वाणिज्य संघले आयोजना गर्दै आएको महोत्सव यसपटक राष्ट्रिय लोक तथा दोहोरी गीत प्रतिष्ठान पनि जोडिएर कला संस्कृतिको जगेर्नामा अघि बढ्नु खुसीको कुरा भएको लोक तथा दोहोरी गीत प्रतिष्ठानका केन्द्रीय सदस्य कृष्णप्रसाद गौतमले जानकारी दिए ।

प्रकाशित : चैत्र ३, २०७९ २१:३८
प्रतिक्रिया
पठाउनुहोस्

'काउली'मा चेलीबेटी बेचबिखन विरुद्धको सन्देश

कान्तिपुर संवाददाता

काठमाडौँ — हास्य अभिनेता हरिवंश आचार्यको शब्द, संगीत र स्वरमा नयाँ गीत 'काउली' सार्वजनिक भएको छ । लोक लयको गीतमा हरिवंशसँगै गायिका शान्तिश्री परियारको स्वर समावेश छ । 

गीतको भिडियोमा आचार्य स्वयं देखिएका छन् । भिडियोमा उनीसँगै पहिलोपल्ट प्रकाश सपुत र प्रियंका कार्की एकसाथ देखिएका छन् । गीतले चेलबेटी बेचबिखन विरुद्धको सन्देश दिन खोजेको छ ।

'एक वर्षअघि म सरोज भाइको एनिभर्सरीको पारिवारिक जमघटमा सहभागी हुन होटल तिब्बेतमा गएको थिएँ,' हरिवंश गीत लेख्दाको क्षण सम्झन्छन्, 'त्यहीबेला एक्कासी काउलीको प्रसंग निस्कियो । मेरो मुखमा त्यसै ए काउली, नचिने मान्छे आँखा झिम्काउली शब्द फुर्‍यो । त्यसपछि गीतले स्वरुप पायो ।'

गीत पारिवारिक र सांस्कृतिक कार्यक्रमतिर नाच्न मिल्ने बनेको उनी बताउँछन् । 'बिहे व्रतबन्धतिर उफ्रीउफ्री नाच्न मिल्ने गीत बनेको छ, रमाइलो लाग्यो भने दर्शकहरु पनि उफ्रीउफ्री नाच्न सक्नुहुनेछ,' हरिवंशले भने ।

यो गीतको श्यामश्वेत रसाईलीले एरेन्ज र गम्भीर विष्टले भिडियो कोरियोग्राफी गरेका हुन् ।

प्रकाशित : चैत्र ३, २०७९ २१:३१
पूरा पढ्नुहोस्
प्रतिक्रिया
पठाउनुहोस्
×