२०.१२°C काठमाडौं
१२६ कम्पनीको सेयर मूल्य बढ्दा ७८ को घट्यो
काठमाडौँ — मंगलबार धेरैजसो कम्पनीको सेयर मूल्य बढेको छ । १२६ कम्पनीको मूल्य बढ्दा ७८ को घट्यो भने १० को स्थिर रहृयो । परिसूचक नेप्सेमा सामान्य सुधार देखिएको छ । अघिल्ला २ कारोबार दिनमा ठूलो अंकको गिरावट आएको बजारमा आज १.८ अंकको सुधार देखिएको हो । सो अंकको वृद्धिपछि नेप्से १९५३ अंकमा कायम भएको छ ।
कुल १ अर्ब १३ करोडको कारोबार भयो । हिजो १ अर्ब १६ करोडको कारोबार भएको थियो । बैंकिङ ३.९, उत्पादन २३, माइक्रोफाइनान्स १४ र ब्यापार उपसमूह ५० अंक घटे । विकास बैंक १२, फाइनान्स १६, होटल तथा पर्यटन १९, जलविद्युत् १८, जीवन बीमा ६, निर्जीवन बीमा ४७ र अन्य उपसमूह ६ अंक बढे ।
युनिक नेपाल लघुवित्तको मूल्य सबैभन्दा धेरै १० प्रतिशत बढ्यो । शुभम पावरको ९.९, सुपरमादीको ९.३, विन्ध्यबासिनी हाइड्रोपावरको ७.२ प्रतिशत मूल्य बढ्यो । सपोर्ट माइक्रोफाइनान्स र कृषि विकास बैंकको मूल्य ३.९ प्रतिशत घट्यो । कारोबार रकमका आधारमा एनआईसी एसिया बैंक, नबिल बैंक, शिवम् सिमेन्ट, हिमालयन डिस्टिलरी र हिमालयन बैंक क्रमशः अगाडि रहे ।
