कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

कृषि विकास बैंकको सीईओ हुनका लागि २२ जनाले दिए आवेदन

काठमाडौँ — सरकारी स्वामित्वको कृषि विकास बैंकको प्रमुख कार्यकारी अधिकृत (सीईओ) पदका लागि आइतबारसम्म २२ जनाको आवेदन परेको छ । बैंकका निवर्तमान प्रमुख कार्यकारी अधिकृत अनिलकुमार उपाध्यायको कार्यकाल सकिएपछि खाली रहेको उक्त पदमा २२ जनाको आवेदन परेको हो । उपाध्यायको कार्यकाल गत पुस १० गते देखि सकिएको थियो ।

कृषि विकास बैंकको सीईओ हुनका लागि २२ जनाले दिए आवेदन

कृषि विकास बैंकमा ५१ प्रतिशत सरकार र बाँकी ४९ प्रतिशत सर्वसाधारणको लगानी छ । बैंकले गत पुस २५ मा विज्ञापन प्रकाशित गरी माघ १५ गतेसम्म सीईओका लागि आवेदन दिन सकिने म्याद तोकेको थियो । सोही सूचनाका आधारमा आइतबार साँझसम्म २२ जनाको आवेदन परेको हो ।

सीईओका लागि कृषि विकास बैंकका कार्यरत २ जना कर्मचारीसहित कुल २२ जनाको आवेदन परेको हो । यसरी आवेदन दिनेहरुमा प्रताब सुवेदी, यज्ञ प्रकाश न्यौपाने, गोविन्द गुरुङ, पूर्णप्रसाद आचार्य, कबिराज अधिकारी, भानु कँडेल, ताराखर अधिकारी, विष्णुदेव यादव, रमेशराज जोशी, प्रमेश कायस्थ, कुमार केसी, बद्री गुरागाईँ, रामराज उपाध्याय, नरेश कुमार रोका, विश्वप्रकाश सुवेदी, अशोककुमार पौडेल, सुन्दरराम बोहोरा, तिलकराज पाण्डेय, भवानी शंकर चापागाईँ, अरुणकुमार ढुंगाना, प्रमोदबाबु तिवारी र रामदेव यादव रहेको बैंक स्रोतले जनाएको छ ।

परेका आवेदनबाट शैक्षिक योग्यता तथा कार्यानुभव र पेश भएको व्यावसायिक कार्ययोजनाको मूल्यांकनको आधारमा पहिलो चरणमा उत्कृष्ट ५ जनालाई छनोट गर्ने, दोस्रो चरणमा तीन जना छनोट गरी अन्तरवार्ताका लागि बोलाइने बैंकले जनाएको छ । कृषि विकास बैंक सञ्चालक समितिका सदस्य एवम् अर्थ मन्त्रालयका सहसचिव सुमन दाहालको संयोजकत्वमा सीइओ छनोट समिति गठन भएको छ । समितिको सदस्यमा बैंकका अर्का सञ्चालक सन्जीव पौडेल र विज्ञ सदस्यमा ज्योतिचन्द्र ओझा छन् । पहिलो चरणमा छनोटमा परेका ५ जनामध्येबाट समितिले तीन जना छनोट गर्ने छ । यसरी छनोट भएका तीन जनामध्येबाट एक जनालाई बैंक सञ्चालक समितिले छनोट गर्नेछ ।

प्रकाशित : माघ १६, २०७९ १४:१८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?