पेट्रोलियम ढुवानी व्यवसायी महासंघमा दास- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

पेट्रोलियम ढुवानी व्यवसायी महासंघमा दास

कान्तिपुर संवाददाता

काठमाडौँ — नेपाल पेट्रोलियम ढुवानी व्यवसायी महासंघको अध्यक्षमा मनोज दास चयन भएका छन् । महासंघको १३ औं वार्षिक साधारणसभाबाट दास निर्विरोध चयन भएका हुन् । यसअघि उनी वरिष्ठ उपाध्यक्ष थिए ।

वरिष्ठ उपाध्यक्षमा गुणराज निरौला र राकेश कुमार कसौधन चयन भएका छन् । उपाध्यक्षमा मनिराम पाण्डये, ध्रुब प्रसाद सिग्देल, उत्सव ईटनी, शिद्धराज पाण्डये, गणेश बहादुर शिलवाल, सुरेन्द्रमणि पराजुली र धनेन्द्र पौडेल चयन भएका छन् । त्यस्तै, महासचिवमा विश्व प्रसाद अर्याल, कोषाध्यक्षमा विष्णु कुमार खड्का, सचिवमा दीपक शिवाकोटी, सहसचिवमा महेन्द्र कुमार अग्रवाल र सह-कोषाध्यक्षमा महेश कुमार दास चयन भएका छन् ।

त्यस अवसरमा नेपाल आयल निगमका कार्यकारी निर्देशक उमेश थानीले ढुवानी व्यवसायीसँग हातेमालो गरेर अगाडी बढ्ने बताए । वैज्ञानिक ढुवानी भाडाको पक्षमा निगम रहेको उनको भनाइ थियो । नव-निर्वाचित अध्यक्ष दासले ३ वर्षको कार्याकालमा व्यवसायीसँगै उपभोक्ताको हितमा काम गर्ने बताए । ‘व्यवसायिक हितसँगै उपभोक्तालाई पनि विशेष ध्यान दिनेछौँ, त्यसका लागि निगमसँग सहकार्य पनि गर्छौं,’ दासले भने ।

प्रकाशित : माघ ११, २०७९ १५:४५
प्रतिक्रिया
पठाउनुहोस्

प्रधानमन्त्री दाहालले लिए मातहतका कार्यालयहरूको ब्रिफिङ

कान्तिपुर संवाददाता

काठमाडौँ — प्रधानमन्त्री पुष्पकमल दाहालले प्रधानमन्त्री तथा मन्त्रिपरिषद्को कार्यालय मातहतका आयोग, विभाग र कार्यालयहरूको ब्रिफिङ लिएका छन् । प्रधानमन्त्री तथा मन्त्रिपरिषद्को कार्यालय सिंहदरबारमा प्रधानमन्त्रीले बुधबार आफू मातहतका कार्यालयहरूको ब्रिफिङ लिएका हुन् ।

ब्रिफिङमा राष्ट्रिय योजना आयोगका सचिव केवल भण्डारी, राष्ट्रिय सतर्कता केन्द्रका सचिव रवीन्द्रनाथ श्रेष्ठ, सार्वजनिक खरिद अनुगमन कार्यालयका सचिव मधुसूदन बुर्लाकोटी, लगानी बोर्डका कार्यकारी अधिकृत सुशील भट्ट, राष्ट्रिय अनुसन्धानका मुख्य अनुसन्धान निर्देशक हुतराज थापा, राजस्व अनुसन्धान विभागका महानिर्देशक मदन दाहाल, सम्पत्ति शुद्धीकरण अनुसन्धान विभागका महानिर्देशक तारानाथ अधिकारीले आफ्नो प्रस्तुति राखेका थिए ।

ब्रिफिङमा कार्यालय प्रमुखहरूले आफ्नो मातहतका कार्यालयहरूको नीतिगत कार्यादेश, प्रगति अवस्था, गरिएका पहलहरू, कार्यालयका समस्याहरू र आगामी दिनमा चाल्नुपर्ने कदमबारे सुझाव प्रस्तुत गरेका थिए ।

प्रधानमन्त्री दाहालले अर्को दिन बाँकी कार्यालय प्रमुखहरूको ब्रिफिङ सुनिसकेपछि निर्देशनात्मक मन्तव्य राख्ने बताइएको छ ।

प्रकाशित : माघ ११, २०७९ १५:०७
पूरा पढ्नुहोस्
प्रतिक्रिया
पठाउनुहोस्
×