बैंकहरुमा ११ अर्ब निक्षेप थपिँदा १ अर्ब मात्रै कर्जा प्रवाह

काठमाडौँ — वाणिज्य बैंकहरुमा एक सातामा ११ अर्ब रुपैयाँ निक्षेप थपिएको छ । नेपाल बैंकर्स एसोसिएसनले सार्वजनिक गरेको तथ्यांकअनुसार मंसिर ९ देखि १६ गतेसम्मको अवधिमा ११ अर्ब रुपैयाँ निक्षेप थपिएको हो ।

९ गतेसम्म वाणिज्य बैंकहरुमा कुल ४५ खर्ब ६२ अर्ब रुपैयाँ निक्षेप संकलन भएकोमा १६ गतेसम्म आउँदा ४५ खर्ब ७३ अर्ब पुगेको छ । सोही अवधिमा कर्जा प्रवाह भने १ अर्ब मात्रै बढेको छ । ९ गतेसम्म कुल ४२ खर्ब २२ अर्ब कर्जा प्रवाह भएकोमा १६ गतेसम्म ४२ खर्ब २३ अर्ब पुगेको छ । कात्तिक मसान्तको तुलनामा मंसिर महिनाको १६ दिनमा भने जम्मा १० अर्ब निक्षेप थपिएको हो भने १ अर्ब मात्रै थप कर्जा प्रवाह भएको हो ।