विदेशी चुरोट बेच्दा २ करोड राजस्व छलेको आरोपमा छविलालविरुद्ध मुद्दा दायर

अगस्तीले बिल बिजक तथा भन्सार प्रज्ञापनपत्र लगायतका कागजात नलिई विदेशी ब्राण्डका चुरोट, गुट्खा लगायत वस्तु आयात गरी बिक्री गरेको आरोप विभागले लगाएको छ । विभागले उच्च अदालत पाटनमा दायर गरेको मुद्दामा अभियुक्तले विभिन्न शीर्षकमा २ करोड १६ लाख राजस्व छली गरेको जनाएको छ । अगस्तीबाट सो रकमको दोब्बर अर्थात ४ करोड ३२ लाख रुपैयाँसम्म जरिवाना असुलउपर गराउन सजाय माग दावी गरिएको छ ।