३६ प्रतिशत घट्यो सेयर कारोबार - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

३६ प्रतिशत घट्यो सेयर कारोबार 

कारोबार भइरहँदा १९३४ अंकसम्म झरेकाे नेप्से अन्त्यमा बढ्यो
कान्तिपुर संवाददाता

काठमाडौँ — मंगलबार सेयर कारोबार रकम ३६ प्रतिशतले घटेको छ । सोमबार कुल १ अर्ब ४९ करोड रुपैयाँको कारोबार भएकोमा मंगलबार ९५ करोडमा खुम्चियो । सोमबार पनि कारोबार रकम २६ प्रतिशतले घटेको थियो ।

कारोबार रकम घटे पनि मंगलबार परिसूचक भने २.९९ अंक बढेको छ । सो अंकको वृद्धिपछि नेप्से १९५३ अंकमा कायम भएको छ । दिनभरको कारोबारमा नेप्से १९३४ अंकसम्म खसेको थियो । कुल १२० कम्पनीको मूल्य बढ्दा ६७ को घट्यो भने ९ को स्थिर रह्यो । बैंकिङ ०.९, होटल तथा पर्यटन ५.१, उत्पादन १.२, निर्जीवन बीमा १४.६ र ब्यापार उपसमुह १४.९ अंक घटे । अन्य ६, माइक्रोफाइनान्स २५, जीवन बीमा ३०, जलविद्युत् २, फाइनान्स १९ र विकास बैंक उपसमूह २८ अंक बढे ।

धौलागिरी लघुवित्तको ६ र एनसीसी बैंकको मूल्य ५ प्रतिशत बढ्यो । कारोबार रकमका आधारमा हिमालयन डिस्टिलरी, नबिल बैंक, शिवम् सिमेन्ट, नेस्डो लघुवित्त र एनसीसी बैंक क्रमश: अगाडि रहे ।


प्रकाशित : मंसिर १३, २०७९ १५:४८
प्रतिक्रिया
पठाउनुहोस्

एमाले कार्यालयमा स्वस्ति वाचनसहित ओलीलाई बधाई- 'प्रधानमन्त्री भव:'

कान्तिपुर संवाददाता

काठमाडौँ — नेकपा एमालेका अध्यक्ष केपी शर्मा ओलीलाई प्रतिनिधिसभामा पुन:निर्वाचित भएकोमा एमालेको भ्रातृ संगठन राष्ट्रिय जनसांस्कृतिक मञ्चले स्वस्ति शान्ति वाचन गराउँदै शुभकामना तथा बधाई दिएको छ ।

पार्टी केन्द्रीय कार्यालय ललितपुरको च्यासलमा मंगलबार आयोजित कार्यक्रममा पण्डित वृहङगमराज तिमल्सिनाले शान्ति स्वस्तिका लागि मन्त्रोच्चारण गरेका गरेका थिए ।

कार्यक्रमका उद्घोषकले तिमल्सिना ज्योषित पण्डित भएको र १० महाविद्याका साधक भएको परिचय खुलाएका थिए । कार्यक्रममा महासचिव शंकर पोखरेल, कार्यालय सचिव डा. भीष्मराज अधिकारीसहित नेताहरूको उपस्थित थियो ।

मन्त्रोच्चारणपछि पण्डित तिमिल्सिनाले अध्यक्ष ओलीलाई रुद्राक्षको माला पनि लगाइदिएका थिए । मंसिर ४ गते भएको प्रतिनिधिसभा तथा प्रदेशसभाको निर्वाचनमा एमालेले प्रत्यक्षतर्फ दोस्रो स्थान र समानुपातिकमा सर्वाधिक मत प्राप्त गरेको छ ।

कार्यक्रममा अध्यक्ष ओलीले भूगोल र संस्कृति देशको पहिचान भएको भन्दै आफ्नो संस्कृति परित्याग गरेर बेहिचक कुनै संस्कृति अपनाउनु दुखद् भएको बताएका थिए ।

'देशको पहिचान मूलत: भूगोल र जनताले निर्धारण गर्छ । जनता भनेको संस्कृतिले गर्छ । कि संस्कृति कि भूगोल । भूगोल रहेन भने देश नै रहँदैन,' ओलीले भने 'भूगोलमा आफ्नै संस्कृति छैन र आफ्नो संस्कृतिप्रति गौरव छैन भने सानो प्रलोभन वा कुनै कारण आफ्नो संस्कृति परित्याग गरेर बेहिचक कुनै संस्कृति अपनाइन्छ भने त्यो दुखद् कुरा हो र त्यसले राष्ट्रलाई कमजोर बनाउँछ । देशको पहिचानलाई कमजोर बनाउँछ ।'

प्रकाशित : मंसिर १३, २०७९ १४:४२
पूरा पढ्नुहोस्
प्रतिक्रिया
पठाउनुहोस्
×