जीवन बिमक संघको अध्यक्षमा पौडेल- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

जीवन बिमक संघको अध्यक्षमा पौडेल

कान्तिपुर संवाददाता

काठमाडौँ — जीवन बिमा कम्पनीहरूको छाता संगठन जीवन बिमक संघको अध्यक्षमा पोषकराज पौडेल चयन भएका छन् । संघको शुक्रबार सम्पन्न वार्षिक साधारणसभाले पौडेलको नेतृत्वमा नयाँ कार्यसमिति चयन गरेको हो । पौडेल सिटिजन लाइफ इन्स्योरेन्सका प्रमुख कार्यकारी अधिकृत हुन् ।

यस्तै, संघको उपाध्यक्षमा नेपाल लाइफ इन्स्योरेन्सका प्रमुख कार्यकारी प्रवीण रमण पराजुली, महासचिव ज्योती लाइफ इन्स्योरेन्सका प्रमुख कार्यकारी अधिकृत प्रकाश विक्रम खत्री र कोषाध्यक्षमा एशियन लाइफ इन्स्योरेन्सका प्रमुख कार्यकारी अधिकृत दिनेश लाल श्रेष्ठ चुनिएका छन् । संघको कार्यकारी सदस्यमा एलआईसी नेपालका प्रमुख कार्यकारी अधिकृत एलपी दास, आईएमई लाइफका प्रमुख कार्यकारी अधिकृत कवि फुयाल र रिलायबल लाइफ इन्स्योरेन्सका प्रमुख कार्यकारी अधिकृत नारायण बाबु लोहनी‌ छन् ।

नेपालमा १९ वटा जीवन बिमा कम्पनी सञ्चालनमा छन् । बिमा पहुँचको तथ्यांक गणना गर्दा जीवन बिमा सेवा लिएको जनसंख्यालाई मात्र समावेश गरिन्छ । यो अन्तर्राष्ट्रिय प्रचलन हो । निर्जीवन बिमा निश्चित अवधिको (म्यादी) हुने भएकाले बिमा पहुँचमा समावेश नगरिएको हो ।

एक व्यक्तिले एकभन्दा बढी जीवन बिमा पनि गरेका हुन्छन् । यसकारण जारी बिमालेखकै आधारमा त्यत्तिकै संख्याका नागरिकसम्म सुविधा पुग्यो भन्ने हुँदैन । बिमा पहुँचको तथ्यांक गणना गर्दा यस्तो प्रकारको दोहोरोपन हटाउनुपर्छ । यसका लागि कुल जारी बिमालेखबाट ५ प्रतिशत घटाएर बचेको बिमालेख सोही अवधिको कुल जनसंख्यासाग तुलना गरेर बिमा पहुाच गणना गर्ने विश्वव्यापी प्रचलन छ ।

प्रकाशित : मंसिर १०, २०७९ १४:५८
प्रतिक्रिया
पठाउनुहोस्

कार्यान्वयन नहुँदै संविधान काम लाग्दैन भन्ने शक्ति आए : सिंह

कान्तिपुर संवाददाता

काठमाडौँ — कांग्रेसका शीर्ष नेता तथा काठमाडौं १ बाट प्रतिनिधिसभामा निर्वाचित प्रकाशमान सिंहले राजनीतिक स्थिरता कायम गर्नतर्फ मुलुक अगाडि बढ्नुपर्ने बताएका छन् । उनले संविधानको विरोध गर्ने शक्तिहरू उदाएको अवस्थामा लोकतान्त्रिक र वाम शक्तिहरू मिलेर प्रतिनिधिसभाको आगामी कार्यकालमा संविधान कार्यान्वयन गर्नका लागि सबै कानुन निर्माण गरेर अगाडि बढ्नुपर्ने बताएका हुन् । 

प्रतिनिधिसभा सदस्यमा काठमाडौं १ बाट निर्वाचित भएपछि शनिबार मतदातासँगको कार्यक्रममा सिंहले संविधानलाई कार्यान्वयन गर्न दलहरूको तत्परता आवश्यक भएको बताए । 'दुई संविधानसभाको निर्वाचन गरेर जारी भएको संघीय लोकतान्त्रिक गणतन्त्रको संविधान अहिले कार्यान्वयनको आवश्यकता देखेको छु । कांग्रेसको नेतृत्वमा जारी भएको संविधान कार्यान्वयन गर्ने क्रममा पहिलो प्रतिनिधिसभा सदस्य निर्वाचनमा जनमत नपाएकाले अस्थिरता हुन्छ कि भन्ने लागेको थियो,' उनले भने, 'अहिले हामीले संविधानलाई रक्षा गरेर कार्यान्वयन गर्नेतिर जानुपर्छ । दुई संविधानसभाको निर्वाचन गरेर जारी गरेको संविधान कार्यान्वय गर्नुपर्छ । कार्यान्वयन नै हुन लागेको छैन तर यो संविधान नै काम लाग्दैन भन्ने खालका शक्ति आइसकेको छ ।'

प्रतिनिधिसभाको परिणामले नेपालमा राजनीतिक अस्थिरता हुने हो कि भन्ने आशंका सिंहले व्यक्त गरेका छन् । उनले भने, 'नेपालको राजनीतिमा जहिले पनि अस्थिरता गर्ने, अस्थिर रह्यो भने धमिलो पानीमा माछा मार्ने शक्ति छन् । ती नेपालको भलो नचाहने हुन् ।'

प्रतिनिधिसभाको अबको कार्यकालमा संविधान कार्यान्वयन गर्नका लागि लाग्नुपर्ने सिंहको भनाइ थियो । 'लोकतान्त्रिक वाम गठबन्धनले संविधान कार्यान्वयन गर्न आवश्यक संघीय कानुन बनाउने हो । तीन तहका सरकारलाई तयार गरेका अधिकार कानुन बनाएर दिनुपर्छ । विकास निर्माणका साथै राष्ट्रिय, प्रदेशिक र स्थानीय मुद्दा अगाडि लानुपर्छ । सबैभन्दा बढी राजनीतिक स्थिरतामा जोड दिनुपर्छ । जारी संविधानलाई प्रभावकारी ढंगले अगाडि लानुपर्छ । राजनीतिक स्थिरता भए सुशासन हुन्छ । भ्रष्टाचार शून्य हुन्छ,' उनले भने । मुलुकमा संविधान कार्यान्वयन भएर राजनीतिक स्थिरता भएमा आर्थिक र सामाजिक पक्ष पनि बलियो हुने उनको भनाइ थियो ।

प्रकाशित : मंसिर १०, २०७९ १४:५४
पूरा पढ्नुहोस्
प्रतिक्रिया
पठाउनुहोस्
×