११ अंकले बढ्यो नेप्से - अर्थ / वाणिज्य - कान्तिपुर समाचार

११ अंकले बढ्यो नेप्से 

कान्तिपुर संवाददाता

काठमाडौँ — साता कारोबारको अन्तिम दिन बिहीबार सेयर बजारको परिसूचक नेप्से ११.५६ अंक बढेको छ । सो अंकको वृद्धिपछि नेप्से १९३३ अंकमा कायम भएको छ । कारोबार रकम भने ९२ करोड ५१ लाखमा खुम्चिएको छ । बुधबार १ अर्ब २ करोडको कारोबार भएको थियो ।

बैंकिङ ५, विकास बैंक ३७, फाइनान्स १८, होटल २, जलविद्युत् ११, जीवन बीमा २७, उत्पादन ६०, माइक्रोफाइनान्स २७, अन्य २४ र व्यापार उपसमूह २३ अंक बढे । निर्जीवन बीमा भने ३ अंक घट्यो । घलेम्दी हाइड्रो र आरएमडीसी लघुवित्तको मूल्य ६ प्रतिशत बढ्यो । कारोबार रकमका आधारमा भने साइन रेसुंगा विकास बैंक, हिमालयन डिस्टिलरी, एनआईसी एसिया बैंक, नेस्डो लघुवित्त र नबिल बैंक क्रमश: अगाडि रहे ।


प्रकाशित : मंसिर ८, २०७९ १६:५५
प्रतिक्रिया
पठाउनुहोस्

सिरहा १ मा एमालेका यादव निर्वाचित

भरत जर्घामगर

सिरहा — सिरहा क्षेत्र नम्बर १ को प्रतिनिधि सभा सदस्यमा एमालेका रामशंकर यादव निर्वाचित भएका छन् ।

सत्तारुढ गठबन्धनका उम्मेदवार कांग्रेसका पदम नारायण चौधरीलाई पराजित गर्दै यादव निर्वाचित भएका हुन् । यादवले निकटतम् प्रतिस्पर्धी चौधरीलाई २ हजार ८३ मतान्तरले पराजित गरेका हुन् ।

यादवले २९ हजार ४ सय ६२ मत पाएर विजयी हुँदा चौधरीले २७ हजार ३ सय ७९ मत पाए ।

प्रकाशित : मंसिर ८, २०७९ १६:४९
पूरा पढ्नुहोस्
प्रतिक्रिया
पठाउनुहोस्
×