२८.१२°C काठमाडौं
विदेशी लगानीकाे न्यूनतम सीमा २ करोड कायम
काठमाडौँ — सरकारले विदेशी लगाीकर्ताले भित्र्याउने लगानीको सीमा ५ करोडबाट २ करोडमा झारेको छ । अबदेखि विदेशी लगानीकर्ताले न्यूनतम २ करोड रुपैयाँ लगानी भित्र्याउन सक्ने छन् । प्रति विदेशी लगानीकर्ता न्यूनतम लगानी सीमा २ करोड रुपैयाँ कायम गरिएको सूचना राजपत्रमा उल्लेख छ ।
यद्यपि गैर आवासीय नेपालीको हकमा भने यो लागू नहुने सूचनामा जनाइएको छ । सरकार र गैर आवासीय नेपालीको संयूक्त लगानीमा स्थापना भएका इन्भेष्टमेन्ट कम्पनीमार्फत नेपालमा लगानी गर्न गैर आवासीय नेपालीलाई विदेशी लगानीको न्यूनतम सीमा लागू नहुने सुचनामा उल्लेख छ । यसअघि ०७६ जेठ १५ मा प्रति विदेशी लगानीकर्तालाई न्यूनतम लगानी सीमा ५ करोड रुपैयाँ तोकिएको थियो ।
प्रतिक्रिया
