दैनिक २० लाख ब्यारेल कच्चा तेल उत्पादन कटौतीको तयारी, मूल्य बढ्न थाल्यो

यद्यपि कटौतीको यो परिमाण नै अन्तिम निष्कर्ष भने होइन । जेएमएमसी (संयूक्त मन्त्रीस्तरीय अनुगमन समिति) ले सो परिमाणको तेल उत्पादन कटौती गर्न सुझाव दिएको थियो । वर्तमान उत्पादन आधार रेखाबाट दैनिक २ मिलियन ब्यारेल कटौती गर्ने तयारी भएसँगै अन्तर्राष्ट्रिय बजारमा तेलको मूल्य बढ्न थालिसकेको छ ।

एक सातामै कच्चा तेलको मूल्य प्रतिब्यारेल औसत १० अमेरिकी डलरले वृद्धि भएको छ । शुक्रबार (अपह्रान्ह १ बजेसम्म) डब्लूटीआई तेलको मूल्य प्रतिब्यारेल ८८.४१, ब्रेन्ट ९३.९८ तथा मुर्बान तेलको मूल्य प्रतिब्यारेल ९६ डलर पुगेको छ । एक साताअघि डब्लूटीआई कच्चा तेलको मूल्य प्रतिब्यारेल ७९ डलर, ब्रेन्ट ८५ र मुर्बानको ८६ डलर हाराहारीमा थियो । कच्चा तेलकाे मूल्य बढ्दा नेपाल लगायत आयातित मुलुकलाई भने ब्यापार घाटा तथा मुद्रास्फीति बढ्ने जोखिम रहन्छ ।