दसैंमा घर जाने यात्रुले कति तिर्नुपर्छ बस भाडा ? (सूचीसहित) - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

दसैंमा घर जाने यात्रुले कति तिर्नुपर्छ बस भाडा ? (सूचीसहित) 

यात्रुबाट बढी भाडा लिने ६१ जना कारबाहीमा 
कान्तिपुर संवाददाता

काठमाडौँ — दसैं मनाउनका लागि पछिल्ला दिन उपत्यका छाड्ने यात्रुको संख्या बढ्दो छ । नयाँ बसपार्क, कलंकी, कोटेश्वर लगायतका स्थानमा घर जाने यात्रुहरुको भीड लाग्ने गरेको छ । कतिपय यात्रुले बसको टिकट नपाएको गुनासो गरेका छन् । यातायात व्यवस्था विभागले भने सार्वजनिक गाडीलाई व्यवस्थापन गर्ने कार्य भइरहेको जनाएको छ ।

विभागका महानिर्देशक टोकराज पाण्डेले भने ‘काठमाडौं उपत्यकामा चल्ने गाडीलाई पूर्वपश्चिम जता गए पनि रुट परमिट खुल्ला गरिएको छ, टाढा जाने यात्रुका लागि गाडी अपुग भएको हो, व्यवस्थापन भइरहेको छ ।’ उनले यात्रुसँग तोकिएको भन्दा बढी भाडा लिनेलाई कारबाही गरिएको दाबी गरे । कतिपय टिकट काउन्टरमा बढी भाडा लिएको गुनासो आएको उनले बताए । आफ्नो गन्तव्यमा जाने भाडाबारे यात्रु पनि सचेत भएमा ठगीका घटना न्यूनीकरणमा टेवा पुग्ने उनको भनाइ छ ।

‘कुनै पनि सवारीले तोकेको भन्दा बढी भाडा लिन पाउने छैनन,’ उनले भने, ‘यदी बढी भाडा लिएको पाइए यात्रुले तुरुन्तसहायता कक्षमा गएर जानकारी गराउन आग्रह गर्दछौं ।’ परिचयपत्र लगाएका कर्मचारीबाट टिकट लिन उनले आग्रह गरे । ट्राफिक प्रहरीका अनुसार घटस्थापनादेखि बिहीबार साँझसम्म सार्वजनिक सवारीमार्फत काठमाडौं उपत्यकाबाट बाहिरिने यात्रुको संख्या २ लाख ६९ हजार ४२८ पुगेको छ ।

काठमाडौं उपत्यका ट्राफिक प्रहरी कार्यालयका एसपी अवदेश विष्टले आइतबारसम्म धेरै यात्रु बाहिरिने अनुमान रहेको बताए । ‘सवारी चापलाई मध्यनजर गर्दै ट्राफिक व्यवस्थापन गरिएको छ,’ उनले भने, ‘पूर्व जाने यात्रुको भिड बिहानै कोटेश्वरमा लाग्छ, पश्चिम जाने यात्रुको चाप साँझ कलंकी र नयाँबसपार्कमा बढी हुने गर्छ’ उनले भने । यात्रुसँग बढी भाडा लिने ६१ जनालाई कारबाही गरिएको विष्टले जानकारी दिए ।

विभागले गत असार २७ गते निर्धारण गरेको सार्वजनिक सवारीसाधनको बस भाडा नै हाल लागू भएको विभागले जनाएको छ । सोही भाडादरमा नै यात्रुले दसैंमा यात्रा गर्न सक्नेछन् । कहाँ जान कति तिर्नुपर्छ बस भाडा ?

प्रकाशित : आश्विन १४, २०७९ १६:३९
प्रतिक्रिया
पठाउनुहोस्

हतियार बुझाउन जिल्ला प्रशासन खोटाङको आग्रह

कान्तिपुर संवाददाता

खोटाङ — जिल्ला प्रशासन कार्यालय खोटाङले हतियार बुझाउन सूचना जारी गरेको छ । आगामी मंसिर ४ गते हने प्रदेशसभा र प्रतिनिधिसभाको निर्वाचनलाई स्वच्छ, निष्पक्ष र सुरक्षित वातावरणमा सम्पन्न गर्न हतियार बुझाउन सुक्रबार सूचना जारी गरेको हो । 

सूचनाअनुसार आगामी कात्तिक ५ गतेभित्र इजाजत प्राप्त हतियार नजिकका प्रहरी कार्यालयमा बुझाउनु पर्ने उल्लेख छ । बुझाइएको हतियार निर्वाचन सम्पन्न भएको एक हप्तापछि फिर्ता गरिने प्रशासकीय अधिकृत उपेन्द्र राईले निकालेको सूचनामा उल्लेख छ ।


प्रकाशित : आश्विन १४, २०७९ १६:३१
पूरा पढ्नुहोस्
प्रतिक्रिया
पठाउनुहोस्
x
×