कान्तिपुर वेबसाईट
AdvertisementAdvertisement
२७.१२°C काठमाडौं
काठमाडौंमा वायुको गुणस्तर: १९६

कमिसनको स्वार्थमा दूध आयात खुला: कृषक समूह महासंघ

काठमाडौँ — राष्ट्रिय कृषक समूह महासंघले कमिसनको प्रलोभनमा भारतबाट दूध आयात खुला भएको आरोप लगाएको छ । दूध आयात खुला गर्ने सरकारको निर्णयले दूग्ध उत्पादक किसानहरू पलायन हुुने महासंघले जनाएको छ ।

कमिसनको स्वार्थमा दूध आयात खुला: कृषक समूह महासंघ

‘२०७५ सालदेखि आयातमा लगाएको प्रतिबन्ध फुकुवा गरेर दूध उत्पादक किसानलाई पलायन गर्ने षड्यन्त्र भइरहेको छ,’ महासंघका अध्यक्ष नवराज बस्नेतले जारी गरेको विज्ञप्तीमा भनिएको छ, ‘किसानलाई तहसनहस बनाउँदै कमिसनको स्वार्थमा आयात गर्न खोजिएको छ । दूध आयात गर्ने निर्णयको महासंघ आपत्ती प्रकट गर्दछ ।’ दूग्ध उत्पादक किसान र सरोकारवाला संघ-संगठनसँग छलफल नगरी कृषि तथा पशुपन्छी विकास मन्त्रालयको निर्णय आपत्तीजनक रहेको बस्नेतको भनाइ छ । सरकारको निर्णयले किसानहरू अपमानित भएको उनले बताए ।

डेरीहरूले सुगम क्षेत्रबाट मात्रै दूध संकलन गर्दा बजारमा अभाव देखिएको हो । अध्यक्ष बस्नेतका अनुसार डेरीहरू सहरमा मात्रै केन्द्रित छन् । पूर्वका रामेछाप, खोटाङ, ओखलढुङ्गा, पश्चिममा अछाम, बैतडी, डेटी लगायत पहाडी क्षेत्रमा पुगेका छैनन् । ‘पहाडका किसानले पशुपक्षी पाल्छन्, तर डीडीसी र निजी डेरीहरू त्यहाँ पुग्दैनन,’ उनले भने, ‘जसले गर्दा बजारमा अभाव भएको हो ।’ कोभिड कालअघि दूध उत्पादन पर्याप्त थियो । कोभिड कालसँगै खपत घटेको भन्दै डेरी उद्योगले किसानको दूध संकलन गरिदिएनन् । कतिपय डेरीले दूध संकलन गरे पनि भुक्तानी रोकिदिए । निजी डेरीसँगै सरकारी दूग्ध विकास संस्थानले पनि ३ महिनासम्म बक्यौता राख्यो । किसानले दूधको पैसा समयमै नपाउँदा गाईभैंसीलाई पर्याप्त पशु आहार व्यवस्थापन गर्न सकेनन् । त्यसले गर्दा पनि अभाव भएको हो ।

प्रकाशित : आश्विन ५, २०७९ २१:२७
प्रतिक्रिया
पठाउनुहोस्
जनताको राय

चालु वर्षको ९ महिनामा वार्षिक लक्ष्यको ३२.२४ प्रतिशत मात्र विकास खर्च हुनुको अर्थ के हो ?