२४.१२°C काठमाडौं
दोहोरो अंकले घटेको सेयर बजारमा कारोबार ८२ करोडमै खुम्चियो
काठमाडौँ — बुधबार पनि सेयर बजारको परिसूचक नेप्से दोहोरो अंकले घटेको छ । परिसूचक दोहोरो अंकमा घट्दा कारोबार रकम भने ८२ करोड ६२ लाखमा खुम्चिएको छ । ११.९७ अंक घटेसँगै परिसूचक १९३९ अंकमा कायम भएको छ । कुल ३१ कम्पनीको मूल्य बढ्दा १४७ को घट्यो भने १० को स्थिर रह्यो ।
बैंकिङ ५, विकास बैंक ३७, फाइनान्स ११, होटल तथा पर्यटन २१, जलविद्युत् २१, जीवन बीमा ३६, उत्पादन ४, माइक्रोफाइनान्स ३२, निर्जीवन बीमा ३३, अन्य ७ र ब्यापार उपसमूह ४६ अंक घटे । सनराइज म्युचुअल फण्डको मूल्य सबैभन्दा धेरै ७.७ तथा अपर हेवाखोलाको मूल्य ६.३ प्रतिशत बढ्यो । कारोबार रकमका आधारमा नेपाल टेलिकम, हिमालयन एभरेस्ट इन्स्योरेन्स, रिडी पावर, नेस्डो लघुवित्त र नबिल बैंक क्रमश: अगाडि रहे । बजारको कुल पुँजीकरण २७ खर्ब ८२ अर्बमा झरेको छ ।
प्रतिक्रिया
