सरकारी कर्मचारीको तलब ८२ हजार ३५९ रुपैयाँसम्म, कसको कति ? (सूचीसहित) - अर्थ / वाणिज्य - कान्तिपुर समाचार

सरकारी कर्मचारीको तलब ८२ हजार ३५९ रुपैयाँसम्म, कसको कति ? (सूचीसहित) 

कान्तिपुर संवाददाता

काठमाडौँ — सरकारले साउन १ गतेदेखि लागू हुनेगरी कर्मचारीको नयाँ तलबमान कायम गरेको छ । साउन २६ गते बसेको मन्त्रिपरिषद् बैठकले सबै तहका निजामती कर्मचारी, सेना, प्रहरी, शिक्षक, स्वास्थ्य सेवा, संसद सेवा, प्रदेश तथा स्थानीय तहका कर्मचारीका लागि नयाँ तलबमान कायम गरेको हो ।

यसबारे अर्थ मन्त्रालयले आइतबार सूचना जारी गरी स्पष्ट पारेको छ । आर्थिक वर्ष २०७९/८० को बजेटमा सरकारले सबै सरकारी कर्मचारीको तलबमा १५ प्रतिशतले वृद्धि गरेको थियो । सो अनुरुप मन्त्रिपरिषद् बैठकले कर्मचारीको नयाँ तलबमान तय गरेको हो । नयाँ तलबमानअनुसार अब माथिल्लो पद मुख्य सचिवको तलब ८२ हजार २५९ रुपैयाँ कायम भएको छ । त्यस्तै कार्यालय सहयोगी प्रथमस्तरका कर्मचारीको तलब २६ हजार ३४८, द्धितीय स्तरको २७ हजार ८२० रुपैयाँ कायम भएको छ ।

यस्तो छ कर्मचारीको नयाँ तलबमान सूची

प्रकाशित : श्रावण ३१, २०७९ १५:२६
प्रतिक्रिया
पठाउनुहोस्

जनप्रतिनिधिलाई महामन्त्री थापाले भने- 'कांग्रेसको व्यक्तित्व अग्लिएको तपाईँहरूको कारणले हो'

कान्तिपुर संवाददाता

काठमाडौँ — नेपाली कांग्रेसका महामन्त्री गगनकुमार थापाले सत्ता गठबन्धनमा कांग्रेसको आधार भनेको २०७९ को निर्वाचन परिणाम भएको बताएका छन् । उनले ०७४ को परिणामका आधारमा कांग्रेसलाई मूल्यांकन गर्नु गलत हुने बताए । सत्ता गठबन्धनको सिट बाँडफाँड कार्यदलको सदस्यसमेत रहेका महामन्त्री थापाले २०७९ को निर्वाचनको परिणामकै आधारमा कांग्रेसले गठबन्धनभित्र सम्मानजनक सिट पाउने बताए

देशभरका स्थानीय तहमा कांग्रेसबाट निर्वाचित जनप्रतिनिधिहरुलाई बधाइ, शुभकामना र अभिमुखीकरण कार्यक्रममा मंगलबार सम्बोधन गर्दै महामन्त्री थापाले भने, 'केही अरू दलका साथीहरू हामीलाई २०७४ तिर फर्काउन चाहनुहुन्छ । हामी उहाँहरूलाई २०७९ सम्झाउन चाहन्छौँ । २०७९ को स्थानीय निर्वाचन सम्झिँदै गर्दा खुसी लाग्छ, हाम्रो फुर्ती बढ्छ । आज हाम्रो व्यक्तित्व अग्लिएको कुनै आधार, कारणले हो भने त्यो तपाईंहरूका कारणले हो । स्थानीय तहमा जितेको कारणले हो । त्यसकै आधारमा २०७९ को मंसिर ४ को निर्वाचनमा जाने तयारी गरिरहेका छौँ ।'

महामन्त्री थापाले अहिले गठबन्धन दलबीच चुनावी तालमेल गर्ने सहमति भइसकेको भन्दै गठबन्धनको परिणाम जे भए पनि कांग्रेसले सम्मानजनक अवस्था ल्याउनेमा आश्वास्त पारे ।

त्यसकालागि स्थानीय तहमा जनप्रतिनिधिले गर्ने काम र मेहनतले अर्थ राख्ने उनको भनाइ थियो ।

उनले गठबन्धनमा सिट बाँडफाँड गर्दा ०७४ को निर्वाचनानुसार सिट भागबन्डाको प्रयास भइरहेको भन्दै त्यसअनुसार गठबन्धनमा सिट बाँडफाँड र सहमति जनाउन नसक्ने बताए ।

उनले ०७४ को निर्वाचनमा निर्वाचित जनप्रतिनिधिले स्थानीय तहमा मेहनत गरेर काम गरेकै कारण अहिले कांग्रेस फेरि त्यस्ता स्थानीय तहमा दोहोरिएर जित्न सफल भएको बताए । उनले अब निर्वाचित जनप्रतिनिधिहरुबाट त्यस्तै अपेक्षा गरेको बताए ।

प्रकाशित : श्रावण ३१, २०७९ १५:२०
पूरा पढ्नुहोस्
प्रतिक्रिया
पठाउनुहोस्
x
×