सेयर बजारका सबै सूचक घटे, नेप्से २०१० मा - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

सेयर बजारका सबै सूचक घटे, नेप्से २०१० मा 

कान्तिपुर संवाददाता

काठमाडौँ — साताको पहिलो दिन आइतबार पनि सेयर बजार राताम्मे भएको छ । सबै सूचकहरु ओर्लिएका छन् । परिसूचक नेप्से २७.९२ अंक घटेर २०१० अंकमा कायम भएको छ । कुल १ अर्ब ८७ करोड रुपैयाँको सेयर कारोबार भयो ।

बैंकिङ ८, विकास बैंक ४७, फाइनान्स ४५, होटल तथा पर्यटन २१, जलविद्युत् ४६, जीवन बीमा २३३, उत्पादन १९०, माइक्रोफाइनान्स ५०, निर्जीवन बीमा ५३, अन्य १६ र ब्यापार उपसमूह ४७ अंक घटे । कुल १८ कम्पनीको मूल्य बढ्दा १६२ को घट्यो भने ३ को स्थिर रह्यो ।

अपर हेवाखोलाको मूल्य ८ प्रतिशत बढ्यो । कालिका पावर, सामलिङ पावर र जल्पा लघुवित्तको मूल्य २ प्रतिशत बढ्यो । गुराँस लघुवित्तको मूल्य ७ प्रतिशत घट्यो । हिमालयन डिस्टिलरीको ६, इमर्जिङको ५.८ र नेपाल लाइफको मूल्य ५.७ प्रतिशत घट्यो । कारोबार रकमका आधारमा हिमालयन डिस्टिलरी, नेपाल लाइफ, शिवम् सिमेन्ट, स्वाबलम्वन लघुवित्त र नबिल बैंक क्रमश: अगाडि रहे ।


प्रकाशित : श्रावण २९, २०७९ १५:१०
प्रतिक्रिया
पठाउनुहोस्

छोडौँ भन्दा पनि छोड्न सकिएन फिल्म

'मैले थुप्रै वरिष्ठहरूसँग पैसा लिन बाँकी छ'
कान्तिपुर संवाददाता

काठमाडौँ — 'अब तिमी कलाकार होइन, कला निर्देशक । तिमीले कला निर्देशन गर्नुपर्छ ।' फिल्म 'दुश्मन'को कला निर्देशनबाट मुकुन्द श्रेष्ठले हात उठाएपछि निर्देशक बद्री अधिकारीले पासाङ टी शेर्पालाई कला निर्देशक बन्न हौसाए । त्यसअघि पासाङ अभिनय मात्र गर्थे । त्यतिबेला कला निर्देशन कसरी गर्ने हेक्का नै थिएन । त्यसैले त्यतिबेला कला निर्देशन नगर्ने नै सोचेका थिए । फिल्मको छायांकन विराटनगरमा हुँदै थियो, बद्रीले एउटा रुख देखाउँदै पासाङलाई भनिहाले,'यो रुखमा चौतारो बनाउनु पर्‍यो ।'

ठिंग उभिएको एउटा रुखमा चौतारो कसरी बनाउने? पासाङ घोत्लिए । कति खर्च लाग्छ ? निर्देशक बद्रीले सोध्न नपाउँदै पासाङको मुखबाट फुत्कियो, '३५ हजार' । बद्रीले त्यति नै रकम हातमा थमाइदिए । त्यतिखेरसम्म अझै पासाङलाई त्यहाँ चौतारो कसरी बनाउने कुनै आइडिया थिएन ।

एक जना श्रीलाल चौधरीलाई आफूले चौतारो बनाउने जिम्मा पाएको कुरा पासाङले सुनाइदिए । श्रीलालले चौतारो बनाउन आफ्ना कामदार पठाइदिए । बाँसको कप्टेरो बिच्छ्याएर एक रातमै चौतारो बन्यो । खर्च लाग्यो जम्मा ८ हजार । बाँकीको २७ हजार आफ्नो गोजीमा राखेपछि पासाङलाई लाग्यो,'ओहो कला निर्देशकले त भयंकर पैसा कमाउँदो रहेछ । ‍म त अब कला निर्देशक बन्छु।' त्यसपछि त्यही फिल्मको क्लाइमेक्स दृश्यका लागि मुलपानीमा प्रहरी बस्ने टहरो पासाङले नै बनाइदिए । यसरी 'दुश्मन'देखि लगातार फिल्महरूमा काम गर्दै आएका पासाङ बद्रीकै कारण आफू कला निर्देशक बनेको निर्धक्क स्वीकार्छन् ।

पूरा पढ्न : छोडौँ भन्दा पनि छोड्न सकिएन फिल्म

प्रकाशित : श्रावण २९, २०७९ १४:५४
पूरा पढ्नुहोस्
प्रतिक्रिया
पठाउनुहोस्
x
×