सेयर बजारका सबै सूचक ओर्लिए, परिसूचक २०६२ अंकमा
काठमाडौँ — सेयर बजारको परिसूचक नेप्से २०६२ अंकमा झरेको छ । मंगलबार दिनभर कुल २ अर्ब ८१ करोड रुपैयाँको कारोबार हुँदा नेप्से परिसूचक ४३.३५ अंक घटेको हो । सबै सूचकहरु घटेका छन् ।
बैंकिङ १८, विकास बैंक १२२, फाइनान्स ६०, होटल तथा पर्यटन ३४, जलविद्युत् ७८, जीवन बीमा १२२, उत्पादन ७०, माइक्रोफाइनान्स १२५, निर्जीवन बीमा १२३, अन्य ५८ र ब्यापार उपसमूहको सूचक ७० अंक घट्यो ।
कुल १७१ कम्पनीको मूल्य घट्दा ९ को बढ्यो भने एउटाको स्थिर रह्यो । हिमालयन हाइड्रोपावरको मूल्य १० प्रतिशत बढ्यो । गुराँस लघुवित्तको मूल्य ६.३ प्रतिशत बढ्यो । कारोबार रकमका आधारमा नागरिक लगानी कोष, शिवम् सिमेन्ट, हिमालयन डिस्टिलरी, नबिल बैंक र नेपाल टेलिकम क्रमश: अगाडि रहे ।
प्रतिक्रिया