धौलागिरी लघुवित्तको आईपीओ खुल्यो- अर्थ / वाणिज्य - कान्तिपुर समाचार

धौलागिरी लघुवित्तको आईपीओ खुल्यो

कान्तिपुर संवाददाता

काठमाडौँ — धौलागिरी लघुवित्तको प्राथमिक सेयर (आईपीओ)को बिक्रीका लागि आवेदन खुलेको छ । कम्पनीले कुल ३ लाख ३१ हजार कित्ता साधारण सेयर निष्कासन गरेकोमा कर्मचारी र सामूहिक लगानी कोषका लागि छुट्याएपछि बाँकी रहेको ३ लाख ९ हजार २९५ कित्ता सर्वसाधारणका लागि बाँडफाँट हुनेछ ।

आईपीओमा साउन २९ गतेसम्म आवेदन दिन सकिनेछ । न्यूनतम १० र अधिकतम १ हजार कित्ताका लागि आवेदन दिन सकिनेछ । आफ्नो खाता रहेको बैंकको जुनसुकै शाखा तथा अनलाइन प्रणाली मेरोसेयरमार्फत आवेदन दिन सकिनेछ । प्रधान कार्यालय बागलुङ जिल्लामा रहेको यो लघुवित्तको आर्थिक वर्ष २०७७/७८ सम्म प्रतिसेयर आम्दानी ४५ रुपैयाँ ४४ पैसा छ ।


प्रकाशित : श्रावण २४, २०७९ १२:०४
प्रतिक्रिया
पठाउनुहोस्

कांग्रेसले बोलायो स्थानीय जनप्रतिनिधिको भेला

कान्तिपुर संवाददाता

काठमाडौँ — सत्तारुढ नेपाली कांग्रेसले स्थानीय तहका जनप्रतिनिधिको भेला बोलाएको छ । प्रतिनिधिसभा र प्रदेशसभा सदस्यको निर्वाचनको मिति घोषणा भएलगत्तै कांग्रेसले देशभर गाउँपालिकाका अध्यक्ष र उपाध्यक्ष तथा नगरपालिकाको प्रमुख र उपप्रमुख पदमा कांग्रेसबाट निर्वाचित भएका जनप्रतिनिधिहरूको भेला बोलाएको हो ।

सोमबार बसेको पार्टीका पदाधिकारी र पूर्वपदाधिकारीहरूको बैठकमा महामन्त्री गगन थापाले स्थानीय तहका जनप्रतिनिधिको भेला बोलाउने र अभिमुखीकरण गर्ने प्रस्ताव पेश गरेका थिए ।

बैठकले साउन ३० र ३१ गते काठमाडौंमा स्थानीय तहका जनप्रतिनिधिको भेला गर्ने निर्णय गरेको छ । महामन्त्री थापाले स्थानीय तहका जनप्रतिनिधिहरूलाई स्थानीय सरकार सञ्चालनका विविध विषयमा अभिमुखीकरण गर्ने उद्देश्यले भेला बोलाइएको बताए ।

स्थानीय तह निर्वाचनमा घोषणा पत्र तयारी समितिको संयोजककोरुपमा काम गरेका थापाले त्यसबेलै घोषणा पत्रबारे स्थानीय तहका जनप्रतिनिधिहरूलाई काठमाडौंमा बोलाएर अभिमुखीकरण गर्ने र त्यसको कार्यान्वयनका लागि प्रतिबद्धता लिने बताएका थिए ।

कांग्रेसले आगामी प्रतिनिधिसभा र प्रदेशसभा सदस्य निर्वाचनमा सत्ता गठबन्धन दलसँग चुनावी तालमेल गरेर अघि बढ्ने निर्णय गरिसकेको छ । नेताहरूले गठबन्धनमा सिट बाँडफाँटको छलफल चलिरहेका बेला स्थानीय तहका जनप्रतिनिधिको भेला हुँदा त्यहाँ कहाँ कुन दलको कस्तो अवस्था छ भन्नेबारे छलफल हुनुलाई स्वभाविक भनेका छन् ।

यसपटक नेपाली कांग्रेसले ३२९ पालिकामा प्रमुख पदमा जितेको छ भने ३०१ पालिकामा उपप्रमुख जितेको छ ।

बैठकले भदौ २ गतेदेखि २४ गतेसम्म देशव्यापी चुनावलक्षित अभियानसमेत चलाउने भएको छ । नेताहरुले अभियानकालागि केन्द्रबाट प्रतिनिधि खटाउने निर्णय गरेका छन् ।

प्रकाशित : श्रावण २४, २०७९ ११:५४
पूरा पढ्नुहोस्
प्रतिक्रिया
पठाउनुहोस्
x
×