हुन्डी कारोबार गर्ने ४ जनाविरुद्ध मुद्दा दायर- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

हुन्डी कारोबार गर्ने ४ जनाविरुद्ध मुद्दा दायर

कान्तिपुर संवाददाता

काठमाडौँ — अवैध हुन्डीको कारोबार गर्ने ४ जनाविरुद्ध राजस्व अनुसन्धान विभागले सोमबार जिल्ला अदालत काठमाडौंमा मुद्दा दायर गरेको छ । विभागका अनुसार नुवाकोटको ककनी गाउँपालिका वडा नम्बर ३ घर भएका नवराज ढुंगाना, सोही स्थान घर भई बालाजुमा शिव सर्भिस मल्पिर्पोज प्रालि सञ्चालन गर्दै आएका फणिन्द्रप्रसाद ढुंगाना,  हाल जापान बस्दै आएका प्रज्वल ढुंगाना र बेलकोटगढी नगरपालिका घर भई हाल काठमाडौं महानगरपालिका ३६ म्हैपी बस्ने सुवास क्यासमिर कलेक्सनका सञ्चालक सुवासजंग पाण्डेविरुद्ध मुद्दा दायर गरिएको हो ।


विशेष सूचनाको आधारमा महानगरीय प्रहरी कार्यालय रानीपोखरी र महानगरीय प्रहरी वित्त बालाजुको संयूक्त टोलीले नवराज ढुंगानालाई स्रोत नखुलेको ६९ लाख ९९ हजार रुपैयाँसहित पक्राउ गरेको थियो । ढुंगानासँग बरामद भएको रकमबारे थप अनुसन्धान गर्दा उक्त रकम अवैध हुन्डी कारोबारबाट आएको भेटिएको विभागले जनाएको छ । ढुंगानाबाट बरामद भएको रकमबारे अनुसन्धान गर्दै जाँदा अरु तीनजना पनि त्यसमा संलग्न देखिएका हुन् । उनीहरु चारै जनालाई ६९ लाख ९९ हजार बिगो र सोही बराबर जरिवाना माग दाबी गरिएको छ ।

प्रकाशित : श्रावण २३, २०७९ १५:४८
प्रतिक्रिया
पठाउनुहोस्

मलेसियाद्वारा दुई हप्ताका लागि कामदारको आवेदन लिन बन्द

होम कार्की

काठमाडौँ — मलेसियाले दुई हप्ताका लागि रोजगारदाता कम्पनीको मागपत्र (आवेदन) स्वीकृति गर्न रोकेको छ । तर, मागपत्र प्रमाणीकरण भई आइसकेको कामदार भने सहज रूपमा जान पाउनेछन् ।

मलेसियाको मानव संसाधन मन्त्रालयका अनुसार अगस्ट १५ देखि ३१ तारिखसम्म रोजगारदाताको मागपत्र प्रमाणीकरण गर्न अस्थायी रोक लगाइएको हो ।

मलेसियाले आउँदो सेप्टेम्बर १ देखि संशोधित रोजगार ऐन–१९५५ लाई कार्यान्वयनमा ल्याउने तयारी गरेकोले कम्पनीको मागपत्र स्वीकृतिमा रोक लगाइएको हो । संशोधित रोजगार ऐनमा सुधार गरिएको प्रावधानहरू भने विज्ञप्तिमा उल्लेख छैन ।

प्रकाशित : श्रावण २३, २०७९ १५:३८
पूरा पढ्नुहोस्
प्रतिक्रिया
पठाउनुहोस्
x
×