१० अंक बढ्यो सेयर बजार - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

१० अंक बढ्यो सेयर बजार 

कान्तिपुर संवाददाता

काठमाडौँ — साताको पहिलो दिन आइतबार सेयर बजारको परिसूचक नेप्से १०.२७ अंक बढेको छ । सो अंकको वृद्धिपछि नेप्से २१२३ अंकमा कायम भएको छ । कुल २ अर्ब ६७ करोड रुपैयाँको सेयर कारोबार भयो ।

बैंकिङ ०.२, विकास बैंक ५२, फाइनान्स ३३, होटल तथा पर्यटन ६०, जलविद्युत् २६, उत्पादन २, माइक्रोफाइनान्स २७, निर्जीवन बीमा ०.७५ र ब्यापार उपसमूह ३८ अंक बढे । जीवन बीमा भने ४ अंक घट्यो । कुल ११८ कम्पनीको मूल्य बढ्दा ५९ को घट्यो भने ३ को स्थिर रह्यो । मनकामना स्मार्ट लघुवित्तको मूल्य १०, तेह्रथुम पावरको ९.६ तथा उपकार लघुवित्तको मूल्य ९.१ प्रतिशत बढ्यो । कारोबार रकमका आधारमा शिवम् सिमेन्ट, नबिल बैंक, फरवार्ड माइक्रोफाइनान्स, एसियन लाइफ इन्स्योरेन्स र हिमालयन डिस्टिलरी क्रमश: अगाडि रहे ।


प्रकाशित : श्रावण २२, २०७९ १५:०९
प्रतिक्रिया
पठाउनुहोस्

सिटिजन्स बैंकको चिरायु मुद्दती योजना, १० गुणासम्म प्रतिफल 

कान्तिपुर संवाददाता

काठमाडौँ — सिटिजन्स बैंकले मुद्दती निक्षेपको १० गुणासम्म प्रतिफल पाउनेगरी आकर्षक चिरायु मुद्दती योजना संचालनमा ल्याएको छ । चितवनमा आयोजित एक कार्यक्रममा बैंकका प्रमुख कार्यकारी अधिकृत गणेशराज पोखरेले यो योजना सुरुवात भएको घोषणा गरे । 

सिटिजन्स चिरायु मुद्दती योजनाअन्तर्गत ग्राहकले जम्मा भएको रकममा १३ वर्ष ४ महिनादेखि २२ वर्ष १ महिनासम्म एकमुष्ठ रुपमा चार गुणादेखि १० गुणासम्म निक्षेप रकम फिर्ता पाउने छन् । रेमिट्यान्स चिरायु मुद्दती योजनाअन्तर्गत ग्राहकले १२ वर्ष ३ महिनादेखि २० वर्ष ३ महिनासम्म एकमुष्ठ रुपमा चार गुणादेखि १० गुणासम्म निक्षेप रकम फिर्ता पाउने बैंकले जनाएकाे छ।

कुनै पनि शाखामार्फत न्यूनतम पचास हजार रुपैयाँ मौज्दातमा यी खाता खोल्न सकिने बैंकले जनाएको छ । यसैबीच बैंकले आफ्नो वेबसाइटमार्फत स्मार्ट सर्भिसेज सेवा समेत थालेको छ । यस सेवाअन्तर्गत बैंकको वेबसाइट मार्फत नै विभिन्न कार्डसम्बन्धी सेवाहरु, मोबाइल/ईबैंकिङ, सेयर तथा क्यूआर सम्बन्धी सेवाहरु प्राप्त गर्न सक्नेछन् । बैंकका देशभर १८० वटा शाखा संचालनमा छन् ।


प्रकाशित : श्रावण २२, २०७९ १५:०१
पूरा पढ्नुहोस्
प्रतिक्रिया
पठाउनुहोस्
x
×