भ्याट रकम र कारोबार छलेको अभियोगमा २ जनाविरुद्ध मुद्दा दायर- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

भ्याट रकम र कारोबार छलेको अभियोगमा २ जनाविरुद्ध मुद्दा दायर

कान्तिपुर संवाददाता

काठमाडौँ — राजस्व अनुसन्धान विभागले भ्याट रकम दाखिला नगरेको र कारोबार समेत लुकाएको अभियोगमा दुई जनाविरुद्ध मुद्दा दायर गरेको छ । रुपन्देही सांस्कृतिक नगरपालिकास्थित बुद्धनगर स्थायी ठेगाना भएका साझा रेस्टुरेन्टका प्रोप्राइटर प्रकाश यादव र सोही नगरपालिका कालिमाटी बस्ने विष्णु यादवविरुद्ध विभागले उच्च अदालत तुलसीपुरकाे बुटवल इजलासमा मुद्दा दायर गरेको हो ।

साझा रेस्टुरेन्टको सम्पूर्ण कारोबार पेश नगरेको, भ्याटमा दर्ता भई कारोबार गर्नुपर्नेमा नगरेको, ठूलो बिक्रीलाई कारोबारबाहिर राखेर लुकाएको विभागले जनाएको छ । यी यादवद्वयले मूल्य अभिवृद्धि र आयकरतर्फ गरी कुल १ करोड ८ लाख ३६ हजार राजस्व चुहावट गरेको भन्दै विभागले शतप्रतिशत जरिवाना र ब्याजसमेत असुलउपरको माग दावी गरेको हो ।


प्रकाशित : श्रावण २०, २०७९ १६:२०
प्रतिक्रिया
पठाउनुहोस्

सरकारले कसैका पछाडि गुप्तचर खटाएको छैन : सञ्चारमन्त्री कार्की

कान्तिपुर संवाददाता

काठमाडौँ — सरकारका प्रवक्ता एवं सञ्चारमन्त्री ज्ञानेन्द्रबहादुर कार्कीले सरकारले कसैको पछाडि गुप्तचर खटाउने र गोप्य रूपमा फोन ट्यापिङ गर्नेजस्ता काम नगरेको बताएका छन् । मन्त्री कार्कीले यस्तो विषयमा कसैले भ्रम नछर्न र त्यस्तो भ्रममा नपर्नसमेत आग्रह गरे ।

फाइल ।

प्रमुख प्रतिपक्षी नेकपा एमालेका अध्यक्ष केपी शर्मा ओलीले आफ्नो जासुसीका लागि सरकारले गुप्तचर खटाएको भन्ने अभिव्यक्तिको खण्डन गर्दै सञ्चारमन्त्री कार्कीले सरकारले कसैको पछाडि गुप्तचर परिचालन नगरेको स्पष्ट पारे ।

शुक्रबार मन्त्रिपरिषद्का निर्णय सार्वजनिक गर्न आयोजित पत्रकार सम्मेलनमा मन्त्री कार्कीले ओलीले भ्रम फैलाएको भन्दै त्यस्ता भ्रमको पछि नपर्न आग्रह गरे ।

‘केही सञ्चारमाध्यममा पूर्वप्रधानमन्त्री केपी शर्मा ओलीको गुप्तचरी गर्नका लागि सरकारले गुप्तचर परिचालन गरेको र नागरिकको फोन ट्यापिङ गरी वैयक्तिक गोपनीयतामा हस्तक्षेप गरेको भन्ने समाचार निराधार भएको कुरा स्पष्ट पार्न चाहन्छु’, उनले भने, ‘यस्तो भ्रममा कोही पनि नपर्नु हुन अनुरोध गर्दछु ।’

मन्त्री कार्कीले सरकार व्यक्तिको स्वतन्त्रता र गोपनीयताको अधिकारप्रति सचेत रहेको समेत स्पष्ट गरे । एमाले अध्यक्ष ओलीले बिहीबार नागरिकको वैयक्तिक जीवनमा सरकारले हस्तक्षेप गरेको भन्दै प्रश्न उठाएका थिए ।

प्रकाशित : श्रावण २०, २०७९ १५:५५
पूरा पढ्नुहोस्
प्रतिक्रिया
पठाउनुहोस्
×