सेयर बजार २०३० अंकमा ओर्लियो, सबै सूचकमा गिरावट - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

सेयर बजार २०३० अंकमा ओर्लियो, सबै सूचकमा गिरावट 

कान्तिपुर संवाददाता

काठमाडौँ — मंगलबार सेयर बजारको परिसूचक नेप्से २०३० अंकमा ओर्लिको छ । कारोबारको आधा समय उतारचढाव रहेको बजार १ बजेपछि ओरालो लाग्यो । २ अर्ब ९६ करोड रुपैयाँको कारोबार भयो । यसअघि सोमबार ४ अर्ब नाघेको थियो ।

सबै सूचकहरु राताम्मे भएका छन् । बैंकिङ १७, विकास बैंक १००, फाइनान्स ५६, होटल तथा पर्यटन ७८, जलविद्युत् ५२, लगानी २, जीवन बीमा २१५, उत्पादन १४५, माइक्रोफाइनान्स ११३, निर्जीवन बीमा २३९, अन्य ६० र ब्यापार उपसमूह ८५ अंक घटे ।

कुल १७ कम्पनीको मूल्य बढ्दा १७५ को घट्यो भने १ को स्थिर रह्यो । सीवाईसी लघुवित्त र ङादी ग्रुप पावरको मूल्य १० प्रतिशत बढ्यो । आँधिखोला लघुवित्तको ९.६, स्वाभिमान लघुवित्तको ८.१ र युनियन हाइड्रोपावरको मूल्य ५.३ प्रतिशत बढ्यो । घलेम्दी हाइड्रोको मूल्य सबैभन्दा धेरै ६.६ प्रतिशत घट्यो । कारोबार रकमका आधारमा सानिमा बैंक (संस्थापक), अरुणकाबेली, शिवम् सिमेन्ट, हिमालयन डिस्टिलरी र माथिल्लो तामाकोसी क्रमश: अगाडि रहे ।


प्रकाशित : असार २१, २०७९ १५:१०
प्रतिक्रिया
पठाउनुहोस्

यसरी गनिँदैछ लुम्बिनीको भेटी

मनोज पौडेल

लुम्बिनी — बुद्ध जन्मस्थल लुम्बिनीस्थित मायादेवी मन्दिर र अशोक स्तम्भमा रहेको दानपेटिकाको रकम गणना भइरहेको छ । लुम्बिनी विकास कोष सुरक्षा शाखा प्रमुख खगेन्द्र काफ्लेको नेतृत्वमा सुरक्षाकर्मी, नगरपालिकाका प्रतिनिधि र कोष कर्मचारीहरू सहभागी भई दान पेटिकामा संकलन भएको रकम गन्न सुरु गरिएको हो । 

चैतयता संकलन भएको रकम ३ दिनदेखि गणना भइरहेको सुरक्षा शाखा प्रमुख काफ्लेले बताए । आइतबार ६ लाख ५२ हजार र सोमबार ८ लाख ४९ हजार रुपैयाँ गणना गरिएको छ । मंगलबारको गणना भने भइरहेको छ । चैत महिनायताको ४ वटा दानपेटिकाको रकम अहिले गणना गरिँदै छ । गणना सोमबार सकिने बताइएको छ ।


प्रकाशित : असार २१, २०७९ १५:०४
पूरा पढ्नुहोस्
प्रतिक्रिया
पठाउनुहोस्
×