५७ अंक बढ्यो नेप्से, साढे २ अर्बको कारोबार- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

५७ अंक बढ्यो नेप्से, साढे २ अर्बको कारोबार

यी हुन् १० प्रतिशत मूल्य बढेका ६ कम्पनी 
कान्तिपुर संवाददाता

काठमाडौँ — साताको पहिलो दिन आइतबार सेयर बजारको परिसूचक नेप्से ५७.६१ अंकले बढेको छ । नेप्से परिसूचक २०८६ अंकमा पुगेको छ । कुल २ अर्ब ४८ करोड रुपैयाँको कारोबार भयो । बजारका सबै सूचक बढेका छन् ।

बैंकिङ १६, विकास बैंक ११८, फाइनान्स ६५, होटल तथा पर्यटन ९४, जलविद्युत् १२८, जीवन बीमा १७०, उत्पादन २५०, माइक्रोफाइनान्स १३९, निर्जीवन बीमा १८१, अन्य ७२ र ब्यापार उपसमूह सूचक १७४ अंक बढे । कुल १७६ कम्पनीको मूल्य बढ्दा १२ को घट्यो भने ५ को स्थिर रह्यो । साल्ट ट्रेडिङ, हिमालय पावर पार्टनर, माथिल्लो तामाकोसी, सान्जेन, नेस्डो लघुवित्त र सीवाईसी लघुवित्तको मूल्य १० प्रतिशत बढ्यो । त्यस्तै रसुवागढी र मध्यभोटेकोसीको मूल्य साढे ९ प्रतिशत धेरैले बढ्यो । कारोबार रकमका आधारमा ङादी ग्रुप, हिमालयन डिस्टिलरी, शिवम् सिमेन्ट, एनआईसी एसिया र नेपाल पुनर्बीमा कम्पनी क्रमश: अगाडि रहे ।


प्रकाशित : असार १९, २०७९ १५:११
प्रतिक्रिया
पठाउनुहोस्

युवा संघद्वारा राहदानी विभाग घेराउ [तस्बिरहरू]

कान्तिपुर संवाददाता

काठमाडौँ — राहदानी वितरणलाई सहज बनाउनु पर्ने लगायत माग गर्दै नेकपा एमालेको भ्रातृ संगठन राष्ट्रिय युवा संघ नेपालले आइतबार त्रिपुरेश्वरस्थित राहदानी विभाग घेराउ गरेको छ ।

अध्यक्ष किरण पौडेलको नेतृत्वमा युवा संघका कार्यकर्ताहरूले कार्यालय घेराउ गरेका हुन् । उनीहरूले कार्यालय अगाडि प्रदर्शन गर्नुका साथै अहिले देखिएको समस्या समाधानका लागि ज्ञापनपत्र पनि बुझाएका छन्।


पौडेलले पासपोर्ट वितरणमा भइरहेको ढिलासुस्तीको विषयमा विभागको ध्यानाकर्षणका लागि घेराउ गरिएको बताए । लाग्ने जति दस्तुर बुझाएर पनि सेवाग्राहीले पासपोर्ट प्राप्त गर्नका लागि धेरै सास्ती बेहोर्दै आएको भन्दै पौडेलले विभागले त्यस्तो अवस्था हटाउनु पर्ने बताए ।





प्रकाशित : असार १९, २०७९ १५:१०
पूरा पढ्नुहोस्
प्रतिक्रिया
पठाउनुहोस्
×