परिष्कृत हुँदै गुगलको पासवर्ड म्यानेजर

प्रयोगकर्ताले आफ्ना गुगल खातालाई थप सुरक्षित बनाउन सकुन् भन्ने उदेश्य रहेको गुगलको दाबी छ । क्रोम र एन्ड्रोइड सेटिङ दुवैमा पासवर्ड व्यवस्थापन एकै प्रकारको हुने भनिएको छ । अर्थात्, गुगलको पासवर्ड म्यानेजरले एप र वेबसाइटका पासवर्डलाई एकैठाउँमा संकलन गरी प्रयोगकर्तालाई सहजता प्रदान गर्न खोजेको छ ।

गुगलका अनुसार एन्ड्रोइड प्रयोगकर्ताले क्रोम ब्राउजर खोल्दा स्क्रिनको तलपटि देखिने टच–टु–लग इन अप्सनमार्फत् छिटो लग इन हुने सुविधा पाउनेछन् । गुगलले गत वर्ष बायोमेट्रिक भेरिफिकेसन फिचर ल्याएको थियो । हालको पासवर्ड म्यानेजमेन्ट सुविधा यसमै आधारित छ ।

युजरनेम वा पासवर्डमा कमजोरी वा खतरा देखिएमा वा पुरानो पासवर्ड पुनः प्रयोग गरिएको पाइएमा गुगलको पासवर्ड म्यानेजरले पासवर्ड चेकअपका लागि नोटिफिकेसन पठाउनेछ । त्यस्तो नोटिफिकेसन आएमा अटोम्याटिक पासवर्ड चेन्ज फिचर प्रयोग गरी समास्या समाधान गर्न सकिनेछ । आईओएस, विन्डोज, म्याकओएस, लिनक्स र क्रोम ओएसमा यस्ता नोटिफिकेसन आउनेछन् ।