नबिल बैंकको सीईओमा ढुङ्गाना- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

नबिल बैंकको सीईओमा ढुङ्गाना

कान्तिपुर संवाददाता

काठमाडौँ — नबिल बैंकको प्रमुख कार्यकारी अधिकृतमा ज्ञानेन्द्र प्रसाद ढुङ्गाना नियुक्त भएका छन् । बिहीबार बसेको बैंक सञ्चालक समितिको बैठकले ढुङ्गानालाई सीईओमा नियुक्त गर्ने निर्णय गरेको हो ।

ढुङ्गानाले शुक्रबारदेखि नै कार्यभार सम्हालेका छन् । यसअघिका प्रमुख कार्यकारी अधिकृत अनिलकेशरी शाहको कार्यकाल सकिएपछि सोही पदमा ढुङ्गानालाई नियुक्त गरिएको हो ।

नबिल बैंकले बंगलादेश बैंकलाई गाभ्ने निर्णयसँगै ढुङ्गानालाई प्रमुख कार्यकारी अधिकृत बनाउने सहमति भएको थियो । सोही समहतिका आधारमा अहिले औपचारिक निर्णय भएको बैंक स्रोतले बताएको छ ।

ढुङगानासँग बैंकिङ क्षेत्रमा साढे २ दशकभन्दा बढी अनुभव छ । यसअघि उनी नेपाल बंगलादेश बैंकको प्रमुख कार्यकारी अधिकृतका रूपमा दुई कार्यकाल पूरा गरी बाहिरिएका थिए । उनी नेपाल राष्ट्र बैंकका पूर्वकर्मचारी हुन् । राष्ट्र बैंकको जागिर छोडेर उनले निजी बैंकमा जागिर सुरु गरेका थिए ।

ढुङ्गानाले भारतबाट चार्टर्ड एकाउन्टेन्सी र अस्ट्रेलियाबाट सर्टिफिकेट पब्लिक एकाउन्टेन्ट तथा वित्तीय विश्लेषणमा स्नातकोत्तरको अध्ययन पूरा गरेका छन् ।

प्रकाशित : असार १७, २०७९ १३:३९
प्रतिक्रिया
पठाउनुहोस्

न्यायपालिकामा विसंगति छन्, शुद्धीकरण गरेर लैजान सक्छौँ : कामु प्रधानन्यायाधीश कार्की

कान्तिपुर संवाददाता

काठमाडौँ — सर्वोच्च अदालतका कामु प्रधानन्यायाधीश दीपककुमार कार्कीले न्यायालय कामै गर्न नसक्ने अवस्थामा पुगेको भनेर हुने चर्चा गलत भएको बताएका छन् । उनले न्यायपालिकामा देखिएका समस्याहरूको निदानका लागि सबैले पहल गरेर न्यायलयलाई शुद्धीकरण गरेर अघि बढ्न सकिने अवस्थामै रहेको बताए ।

नेपाल ल क्याम्पसको स्थापना दिवस समारोहमा बोल्दै कायममुकायम प्रधानन्यायाधीश कार्कीले न्यायलय सुधारका लागि कानुनका विद्यार्थीहरूलाई नैतिकताको विषयमा पनि अध्यापन गराउनुपर्ने बताए ।

‘न्यायपालिकामा समस्या छ, अब न्यायालयले कामै गर्न सक्दैन भन्ने कुरा आइरहेको छ । तर, वास्तवमा त्यस्तो होइन । न्यायालय कामै गर्न नसक्ने अवस्थामा पुगेको भन्ने होइन, उनले भने, ‘न्यायपालिकामा पक्कै पनि विसंगतिहरू छन्, तर हामी त्यसलाई सच्याएर अघि बढ्न तयार हुनुपर्दछ । हामी सबैको होस्टेमा हैसे भएमा हामीले न्यायालयलाई शुद्धीकरण गरेर लैजान सक्छौँ ।’

उनले काुननको प्राध्यापनका लागि अलग्गै विश्वविद्यालय स्थापना गर्नुपर्ने आवश्यकता रहेको बताए । ‘न्यायालय सुधारका लागि विश्वविद्यालयको पनि भूमिका हुन्छ । हामीले कानुनका विद्यार्थीलाई नैतिकताको विषयमा पनि अध्यापन गराउनु राम्रो हुन्छ । यस्तो विषयलाई पाठ्यक्रममा पनि समावेश गर्नुपर्छ कि भन्ने लागेको छ,’ उनले भने, ‘विकृति र विसंगतिको निदानका लागि हामी सबै एकताबद्ध भएर अघि बढ्यौ भने हामीले समाधान गर्न सक्छौँ । यसका लागि म सबैलाई आह्वान गर्दछु ।’

प्रकाशित : असार १७, २०७९ १३:३६
पूरा पढ्नुहोस्
प्रतिक्रिया
पठाउनुहोस्
×