‘इन्स्टेन्ट पेमेन्ट डिजिटल प्लेटफर्म’बारे अध्ययन गर्न लगानी बोर्ड र जाइकाबीच सम्झौता 

सम्भाव्यता अध्ययन गर्न लागिएको यो परियोजनाबाट नेपालले अबलम्बन गरेको डिजिटल नेपाल फ्रेमवर्क तथा रणनीतिसँग सामन्जस्यता कायम गर्नका लागि सम्भाव्य डिजिटल पूर्वाधारको सम्पूर्ण आधार तयार गर्ने अपेक्षा गरिएको लगानी बोर्डको कार्यालयले जनाएको छ । डिजिटल प्रणालीबाट हुने भुक्तानी वास्तविक समयमै खातामा पुग्ने (रियल टाइम सेटलमेन्ट) व्यवस्था कार्यान्वयनका लागि यो प्रोजेक्टले मद्दत पुर्‍याउने ठानिएको छ ।

जाइकाले प्रारम्भिक सर्वेक्षण प्रतिवेदन तयार पारेर लगानी बोर्डको कार्यालयलाई बुझाउनेछ । उक्त सर्वेक्षण प्रतिवेदनका आधारमा नेपालले परियोजना सञ्चालनका लागि जाइकाको निजी क्षेत्र लगानी वित्त (पीएसआइएफ्) वा ऋण सहयोगका लागि आग्रह गर्न सक्नेछ ।