काठमाडौँ — सरकारले अनुत्पादक र उत्पादनशील क्षेत्रमा प्रवाह हुने कर्जाको ब्याजदर फरक फरक गर्ने भएको छ ।
जसअनुसार उत्पादनशील क्षेत्रमा कम र अनुत्पादक क्षेत्रमा बढी ब्याजदरको व्यवस्था सरकारले गर्न लागेको हो । आगामी वर्षको बजेट वक्तव्यमार्फत अर्थमन्त्री जनार्दन शर्माले यस्तो घोषणा गरेका हुन् । त्यस्तै सरकारले वैदेशिक राेजगारीमा गएकाहरुलाई प्राथमिक सेयरमा १० प्रतिशत आरक्षणको व्यवस्था गर्ने भएको छ । रेमिट्यान्सलाई वैधानिक माध्यमबाट ल्याउने उद्देश्यले सरकारले यस्तो व्यवस्था गरेको हो ।
काठमाडौँ — विद्युत् खपत बढाउनका लागि सरकारले विभिन्न कार्यक्रमहरु घोषणा गरेको छ ।
आगामी आर्थिक वर्षको बजेटमार्फत् सरकारले ‘एलपी ग्यास छोडौं, बिजुली जोडौं’ भन्ने नाराका साथ ठूला सहरका भान्सा विद्युतीय बनाउने घोषणा गरेको हो ।
त्यस्तै, सार्वजनिक निकायले विद्युतीय सवारी किन्नुपर्ने, परम्परागत इटाभट्टालाई विद्युतीय इटाभट्टामा रुपान्तरण गर्ने र १ लाख घरधुरीमा स्वच्छ ऊर्जाको पहुँच पुर्याउने सरकारी योजना छ ।
आगामी साउनपछि सिंहदरवारभित्र खाना पकाउने ग्यास प्रयोग नहुने पनि बजेटमा उल्लेख छ ।
प्रकाशित : जेष्ठ १५, २०७९ १८:२२
