वाग्मती प्रदेशसभामा विनियोजन विधेयक पेश

प्रदेश सरकारले कोरोना महामारीका कारण आर्थिक क्षेत्रमा परेको असरलाई न्यूनीकरण गर्ने गरी आगामी आर्थिक वर्षको बजेट ल्याउने दावी मन्त्री कट्टेलको दाबी छ । ‘करको दायरा बढाउने र खर्च घटाउने नीति प्रदेश सरकारले लिन्छ’, उनले भने ‘प्रदेशको आर्थिक अवस्थालाई गतिशील बनाउने योजना छ । संघीयताको मर्म र भावना अनुसार बजेट ल्याउँछौं ।’

कृषि, साना उद्योग र रोजगारी सिर्जना गर्नेगरी बजेट विनियोजन हुने उनले बताए । उनले पुँजीगत खर्च असाध्यै कमजोर रहेका कारण त्यसलाई बढाउने गरी बजेट विनियोजन गर्न जरुरी रहेको औंल्याए । चालु आर्थिक वर्षको हालसम्म ३५ प्रतिशत मात्र पुँजीगत खर्च भएको छ । विनियोजन विधेयक २०७९ को सिद्धान्त र प्राथमिकतामाथि छलफल शनिबारबाट सुरु हुने सभामुख सानुकुमार श्रेष्ठले जानकारी दिए । उनका अनुसार प्रदेशसभाको शुक्रबारबाट सुरु भएको वर्षे अधिवेशनमा सरकारको तर्फबाट पाँच वटा अध्यादेश पेश भएको छ ।