पाँच वर्षभित्र पूर्वपश्चिम राजमार्गलाई चार लेन बनाइने- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

पाँच वर्षभित्र पूर्वपश्चिम राजमार्गलाई चार लेन बनाइने

कान्तिपुर संवाददाता

काठमाडौँ — पाँच वर्षभित्र पूर्वपश्चिम राजमार्गलाई कम्तीमा चार लेनमा 'एसियन हाइवे' स्तरमा विकास गरिने भएको छ । जसअनुरुप बुटवल–नारायणगढ र कमला–कञ्चनपुर खण्डको निर्माण कार्यलाई तीव्रता दिइएको राष्ट्रपति विद्यादेवी भण्डारीले बताइन् । संसदमा मंगलबार नीति तथा कार्यक्रम प्रस्तुत गर्दै राष्ट्रपति भण्डारीले कांकडभिट्टा–लौकही–पथलैया–कमला तथा पथलैया–नारायणगढ सडकको स्तराेन्नती सुरु गरिने बताइन् ।

रौतहटको चन्द्रपुर नगरपालिका-१ स्थित वाग्मती–चन्द्रनिगाहपुर खण्डमा वर्षाले सडकको कालोपत्रे उप्किएर बनेक खाल्टा । तस्बिर : शिव पुरी/कान्तिपुर

काठमाडौं- तराई- मधेश द्रुतमार्ग तोकिएकै समयमा सम्पन्न गर्नेगरी निर्माण कार्यलाई तीव्रता दिइने उनको भनाइ छ । राष्ट्रिय राजमार्ग र तराई मधेशका जिल्ला सदरमुकाम जोड्ने सडकलाई मापदण्डका आधारमा कम्तिमा चार लेनमा स्तरोन्नती गरिने उनले बताइन् । 'चक्रपथ लगायत काठमाडौं उपत्यकाका सडक विस्तार र स्तरोन्नती गर्नुका साथै सम्बन्धित स्थानमा फ्लाइओभर निर्माण गरिने छ' नीति तथा कार्यक्रममा भनिएको छ 'तीन तहको साझेदारीमा कालोपत्रे सडक नपुगेका स्थानीय तहको केन्द्रलाई प्रादेशिक वा राष्ट्रिय सडक सञ्जालसँग आवद्ध गरिने छ ।'

प्रकाशित : जेष्ठ १०, २०७९ १८:५३
प्रतिक्रिया
पठाउनुहोस्

यौन दुर्व्यवहारका आरोपित शिक्षकमाथि अनुसन्धानका लागि अदालतद्वारा म्याद थप

कान्तिपुर संवाददाता

काठमाडौँ — छात्राहरुमाथि यौन दुर्व्यवहार गरेको आरोपमा पक्राउ परेका दुई शिक्षकलाई जिल्ला अदालत काठमाडौंले अनुसन्धानका लागि ५ दिन म्याद थप गरेको छ । 

काठमाडौंको चाबहिलस्थित सेन्ट लरेन्स कलेजका संयोजक जर्नादन अधिकारी र शिक्षक राजनकुमार पौडेल मंगलबार पक्राउ परेका हुन् ।

कक्षा ११ र १२ का छात्राहरुमाथि यौन दुर्व्यवहार गरेको भन्दै मंगलबार बिहानदेखि कलेजका विद्यार्थीहरुले सेन्ट लरेन्स कलेज र प्रहरी वृत्त गौशालामा आन्दोलन गरेका थिए।

विद्यार्थीको आन्दोलनपछि प्रहरी वृत्त गौशालाले उनीहरुलाई पक्राउ गरी अदालतमा पेस गरेको हो । शिक्षक अधिकारीमाथि केही समययता कक्षा ११ र १२ मा अध्ययनरत छात्रालाई यौन दुर्व्यवहार गरेको आरोप लागेको छ ।

पटक–पटक कलेज व्यवस्थापनलाई घटनाबारे जानकारी गराउँदा पनि सुनुवाई नभएको र भित्रभित्रै मिलाउने प्रयास गरिएपछि विद्यार्थी आन्दोलित भएका हुन् । ती शिक्षकहरुले विद्यार्थीहरुमाथि अनैतिक रुपमा छुने, आफ्नो घरमा बस्ने र यौन सम्पर्कको प्रस्ताव गरेको छात्राहरुको आरोप छ ।

प्रकाशित : जेष्ठ १०, २०७९ १८:५०
पूरा पढ्नुहोस्
प्रतिक्रिया
पठाउनुहोस्
×