सरकारको नीति तथा कार्यक्रम
सवारी चालक अनुमतिपत्र सम्बन्धित प्रदेशबाटै वितरण गर्ने व्यवस्था मिलाइने
काठमाडौँ — सरकारले सवारी चालक अनुमतिपत्र सम्बन्धित प्रदेशबाटै वितरण गर्ने व्यवस्था मिलाउने भएको छ । राष्ट्रपति विद्यादेवी भण्डारीले मंगलबार सरकारको आगामी वर्षको नीति तथा कार्यक्रम प्रस्तुत गर्दै सवारी चालक अनुमतिपत्र सम्बन्धित प्रदेशबाटै वितरण गर्ने व्यवस्था मिलाइने बताएकी हुन् ।
हाल विभिन्न प्रदेशबाट सवारी चालक अनुमतिपत्रका लागि आवेदन दिएपनि काठमाडौंमा मात्रै डिजिटल लाइसेन्स प्रिन्ट हुँदै आएको छ ।
सरकारले सवारी चालक अनुमतिपत्रको वितरण सहज बनाउन नसक्दा केही महिनायता अनुमतिपत्र वितरणको काम रोकिएको छ । अनुमतिपत्रका लागि आवदेन दिएकाहरुको पनि लिखित तथा प्रयोगात्मक परीक्षा हुन सकेको छैन ।
प्रकाशित : जेष्ठ १०, २०७९ १७:१७