कर्णाली पार गर्न तुइनबाटै खाद्यान्न ढुवानी- अर्थ / वाणिज्य - कान्तिपुर समाचार

कर्णाली पार गर्न तुइनबाटै खाद्यान्न ढुवानी

तुइनबाट खाद्यान्न पारि लैजान दैनिक खटिन्छन् ८ कर्मचारी
छपाल लामा

हुम्ला — खाद्य व्यवस्था तथा व्यापार कम्पनीले हुम्लाका केही क्षेत्रमा तुुइनबाटै खाद्यान्न ढुवानी गर्दै आएको छ । कर्णाली नदी माथि पुुल नभएपछि नयाँ तुुइन निर्माण गरेरै खाद्यान्न ढुवानी गर्न थालिएको हो । कम्पनीका हुुम्ला शाखाका प्रमुख कृष्णप्रसाद आचार्यका अनुुसार जिल्लाका लागि निर्धारित कोटाको खाद्यान्न चङ्खेली र सर्केगार्ड गाउँपालिका जाेड्ने सलीसल्लास्थित कर्णाली नदीमा तुुइनबाट ढुवानी हुँदै आएको हो ।


उक्त स्थानसम्म नेपालगन्ज र सुर्खेतबाट गाडीमा खाद्यान्न पुर्‍याइन्छ । त्यसपछि खाद्यान्नलाई तुुइनबाट ढुवानी गरेर, कर्णाली पार गरी सलीसल्ला पुर्‍याइने गरेको उनले बताए । खाद्यान्न ढुवानीको जिम्मा पाएको एयर सिम्रिक कार्गो प्रालिले सलीसल्लामा तुुइन निर्माण गरेर ढुवानी गर्ने व्यवस्था गरेको हो । यसका लागि ८ जना कामदारलाई तुुइनमार्फत खाद्यान्न पारि लैजाने जिम्मा लगाइएको छ ।

तुुइन तरेको खाद्यान्नलाई ट्याक्टरबाट सलीसल्लामै निर्माण भएकाे हेलिप्याड नजिक खाद्यको गोदाममा राख्ने गरिएको छ । उक्त गाेदामबाट भने हेलिकप्टरमार्फत खाद्यान्न ढुवानी गरिनेछ । यसरी तुुइनबाट ५ हजार किलोभन्दा बढी खाद्यान्न ढुवानी गर्नुपर्ने शाखाले जनाएको छ । शाखाको गोदामका लागि हवाई मार्गबाट ढुवानी हुुनुुपर्नेमा हवाई जहाजले ढुवानी गर्न छोडेपछि सप्लायर कम्पनीले उक्त उपाय अपनाउनुु परेको जनाएको छ ।


प्रकाशित : जेष्ठ ८, २०७९ १३:५१
प्रतिक्रिया
पठाउनुहोस्

चट्याङ लागेर उदयपुरमा एकको मृत्यु

डिल्लीराम खतिवडा

उदयपुर — उदयपुरको कटारी नगरपालिका–११ गोठडाँडामा चटयाङ लागेर एक युवतीको मृत्यु भएको छ ।

घरमा बसिरहेको बेला वर्षातसँगै परेको चट्याङले लागेर स्थानीय ४५ वर्षीया भक्तकुमारी बुढाथोकीको मृत्यु भएको प्रहरी निरीक्षक मोहन थापाले बताए । चट्याङ लागेर घाइते बुढाथोकीको उपचारको क्रममा मध्याह्न मृत्यु भएको प्रहरी निरीक्षक थापाले बताए ।

प्रकाशित : जेष्ठ ८, २०७९ १३:४६
पूरा पढ्नुहोस्
प्रतिक्रिया
पठाउनुहोस्
×