दुई दिनमा १८ सय घट्यो सुन
काठमाडौँ — दुई दिनमा सुनको मूल्य प्रतितोला १ हजार ८ सय रुपैयाँ घटेको छ । यसअघि बिहीबार ९ सय घटेको सुन शुक्रबार फेरि ९ सयले घटेको हो । नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य तोलामा ९२ हजार ६ सय रुपैयाँमा कारोबार भइरहेको छ ।
तेजाबी सुनको मूल्य प्रतितोला ९२ हजार १ सय रुपैयाँ छ ।अन्तर्राष्ट्रिय बजारमा सुनको मूल्य प्रतिऔंस १७९७ अमेरिकी डलर आसपासमा कारोबार भइरहेको छ ।
चाँदीको मूल्य पनि उच्च दरले घटेको छ । दुई दिनमा तोलामा ३५ रुपैयाँले चाँदी घटेको छ । बुधबार १३ सय रुपैयाँ रहेको चाँदी बिहीबार १२९० मा झरेको थियो भने शुक्रबार १२६५ मा कारोबार भएको छ ।
प्रतिक्रिया