पुस मसान्तसम्म कुन बैंकले कति बढाए कर्जा ?
काठमाडौँ — उल्लेख्य रुपमा निक्षेप बढ्न नसके पनि बैंकहरुको कर्जा (ऋण) प्रवाह भने गत वर्षको समीक्षा अवधिको तुलनामा बढेको छ । गत आर्थिक वर्षको पहिलो ६ महिना (साउनदेखि पुस मसान्तसम्म) मा ३ खर्ब ६६ अर्ब कर्जा विस्तार गरेका वाणिज्य बैंकहरुले यस आर्थिक वर्षको साेही अवधिमा ४ खर्ब २२ अर्ब १७ करोड रुपैयाँ विस्तार गरेका छन् ।
असार मसान्तसम्म कुल ३७ खर्ब २० अर्ब ७५ करोड रुपैयाँ कर्जा प्रवाह भएकोमा पुस मसान्तसम्म बढेर ४१ खर्ब ४२ अर्ब ९२ करोड पुगेको छ ।
निक्षेप भने उल्लेख्य बढ्न सकेको छैन । स्थानीय तहमा जाने बजेटको ८० प्रतिशत रकम निक्षेपका रुपमा बैंक तथा वित्तीय संस्थाले जम्मा गर्न पाउने व्यवस्था गरिँदा समेत साउनदेखि पुस मसान्तसम्मको ६ महिनामा जम्मा १ खर्ब २२ अर्ब रुपैयाँ मात्रै निक्षेप थपिएको छ । असार मसान्तसम्म कुल ४२ खर्ब १ अर्ब ३९ करोड रुपैयाँ निक्षेप संकलन भएकोमा पुस मसान्तसम्म आउँदा ४३ खर्ब २४ अर्ब ३४ करोड पुगेको छ ।
निक्षेप अभावका बाबजुद बैंकहरु बिजनेस बढाउनमा जोड गरेको देखिन्छ । बैंकहरुको मुख्य बिजनेस भनेकै कर्जा प्रवाह हो । ६ महिनाको अवधिमा ग्लोबल आईएमई बैंकले सबैभन्दा धेरै २८ अर्ब ७० करोड रुपैयाँ कर्जा विस्तार गरेको छ ।
त्यसपछि नेपाल बैंकले २७ अर्ब ९६ करोड र हिमालयन बैंकले २६ अर्ब २८ करोड कर्जा विस्तार गरेका छन् । हालसम्म धेरै कर्जा प्रवाह गर्नेमा भने एनआईसी एसिया बैंक सबैभन्दा अगाडि छ । पुस मसान्तसम्म सो बैंकले कुल २ खर्ब ७३ अर्ब ८६ करोड रुपैयाँ कर्जा प्रवाह गरेको छ ।
साउनदेखि पुस मसान्तसम्म बैंकहरुको कर्जा वृद्धि (रकम रुपैयाँमा)
बैंक | ६ महिनामा बढेको कर्जा | पुस मसान्तसम्म कुल कर्जा |
कृषि विकास | २३ अर्ब ७२ करोड | १ खर्ब ७५ अर्ब २६ करोड |
बीओके | ९ अर्ब ३१ करोड | १ खर्ब ८ अर्ब २१ करोड |
सेन्चुरी | ६ अर्ब ७८ करोड | ८८ अर्ब १७ करोड |
सिटिजन्स | ८ अर्ब ७७ करोड | १ खर्ब ३२ अर्ब ४१ करोड |
सिभिल | ४ अर्ब ५३ करोड | ८७ अर्ब ५७ करोड |
एभरेष्ट | १७ अर्ब ४३ करोड | १ खर्ब ५२ अर्ब ३८ करोड |
ग्लोबल आईएमई | २८ अर्ब ७० करोड | २ खर्ब ७१ अर्ब २० करोड |
हिमालयन | २६ अर्ब २८ करोड | १ खर्ब ५९ अर्ब १४ करोड |
कुमारी | १७ अर्ब ९७ करोड | १ खर्ब ६१ अर्ब ७४ करोड |
लक्ष्मी | १९ अर्ब ७४ करोड | १ खर्ब २८ अर्ब ३९ करोड |
माछापुच्छ्रे | १७ अर्ब ३० करोड | १ खर्ब ३३ अर्ब ५७ करोड |
मेगा | ५ अर्ब ८६ करोड | १ खर्ब ४६ अर्ब ९८ करोड |
नबिल | १५ अर्ब ६८ करोड | २ खर्ब २१ अर्ब ३३ करोड |
नेपाल बंगलादेश | ६ अर्ब ३३ करोड | ७७ अर्ब ५० करोड |
नेपाल | २७ अर्ब ९६ करोड | १ खर्ब ७२ अर्ब ९१ करोड |
एनसीसी | १९ अर्ब | १ खर्ब १८ अर्ब ९१ करोड |
इन्भेस्टमेन्ट | ११ अर्ब ३२ करोड | १ खर्ब ७८ अर्ब ५१ करोड |
एनआईसी एसिया | ९ अर्ब २ करोड | २ खर्ब ७३ अर्ब ८६ करोड |
एनएमबी | २१ अर्ब १९ करोड | १ खर्ब ७९ अर्ब २३ करोड |
एसबीआई | ११ अर्ब ७६ करोड | १ खर्ब १३ अर्ब ३४ करोड |
प्रभु | ६ अर्ब १४ करोड | १ खर्ब ४८ अर्ब ४० करोड |
प्राइम | १९ अर्ब ४० करोड | १ खर्ब ६२ अर्ब ३८ करोड |
राष्ट्रिय वाणिज्य | १४ अर्ब १ करोड | २ खर्ब १३ अर्ब ७७ करोड |
सानिमा | १७ अर्ब ८१ करोड | १ खर्ब ४० अर्ब ५० करोड |
सिद्धार्थ | १८ अर्ब ९४ करोड | १ खर्ब ८४ अर्ब ६२ करोड |
स्टान्डर्ड | १५ अर्ब ४४ करोड | ८७ अर्ब ४९ करोड |
सनराइज | २१ अर्ब ७८ करोड | १ खर्ब २५ अर्ब १५ करोड |
कुल | ४ खर्ब २२ अर्ब १७ करोड | ४१ खर्ब ४२ अर्ब ९२ करोड |
स्राेत : नेपाल बैंकर्स संघ
प्रकाशित : माघ ४, २०७८ १८:३४