नेपालले आईएमएफमार्फत् पाइने इसीएफमा कोटाको १८० प्रतिशतसम्म ऋण लियो- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

नेपालले आईएमएफमार्फत् पाइने इसीएफमा कोटाको १८० प्रतिशतसम्म ऋण लियो

कान्तिपुर संवाददाता

काठमाडौँ — नेपालले अन्तर्राष्ट्रिय मुद्रा कोष (आईएमएफ) मार्फत् एक्सटेन्डेड क्रेडिट फेसिलिटी (ईसीएफ) मा पाइने सहुलियतपूर्ण ऋणको कोटामा १८० प्रतिशतसम्म ऋण लिएको छ । आईएमएफद्वारा बिहीबार जारी विज्ञप्तिअनुसार नेपाललाई ३९ करोड ५९ लाख अमेरिकी डलर बराबर एक्सटेन्डेड क्रेडिट फेसिलिटी (ईसीएफ) उपलब्ध गराउने निर्णय उसको कार्यकारी बोर्डले स्वीकृत गरेको हो । जुन रकम नेपालले आईएमएफमार्फत पाउने स्पेसल ड्रइङ राइट (एसडीआर) कोटाको १८० प्रतिशत बराबर हो ।

यसअघि नेपालले २०२० मेमा र्‍यापिड क्रेडिट फेसिलिटी (आरसीएफ) का रुपमा एसडीआरको शतप्रतिशत (२१ करोड ४० लाख अमेरिकी डलर) ऋण लिइसकेको छ ।

त्यस्तै नेपाललाई ३८ महिनाको वित्तीय सहायता प्याकेजका रुपमा यो रकम उपलब्ध गराइएको र यो रकममध्ये नेपालले तत्काल ११० मिलियन (१३ अर्ब ३ करोड नेपाली रुपैयाँ) बराबर पाउने पनि विज्ञप्तिमा उल्लेख छ । यो रकम नेपालले बजेट फाइनान्सिङका रुपमा प्रयोग गर्न पाउनेछ । विदेशी विनिमय सञ्चिति घट्दै जाँदा भुक्तानी सन्तुलन बिग्रिएपछि नेपालले गत कात्तिकदेखि नै यस्तो ऋण सहायता लिने प्रकृया थालेको थियो । त्यसैका लागि अर्थमन्त्री जनार्दन शर्माले गत मंसिर दोस्रो साता अन्तर्राष्ट्रिय मुद्रा कोष (आईएमएफ) का मिसन प्रमुख रोबर्ट ग्रेगरीसहितको टोलीलाई भेटेर यस्तो ऋण उपलब्ध गराइदिन भनेका थिए ।

कोभिड १९ महामारीका कारण शिक्षा र स्वास्थ्य क्षेत्रमा ऋण रकम खर्च गर्न सकिने उल्लेख छ । सामान्यतया कुनै देशको भुक्तानी सन्तुलन निकै बिग्रिएको अवस्थालाई सन्तुलनमा ल्याउनका लागि आइएमएफले इसीएफ उपलब्ध गराउँछ । नेपाललाई आईएमएफले यस्तो रकम शर्तसहित बजेट सहायताका रुपमा खर्च गर्न पाउने भनेको छ । आर्थिक उत्थानका लागि सरकारले चालेका कदमहरुलाई सघाउ पुग्नेगरी तय भएका कार्यक्रमहरुमा यो रकम खर्च गर्न सकिनेछ ।

प्रकाशित : पुस ३०, २०७८ १४:१३
प्रतिक्रिया
पठाउनुहोस्

अदालत परिसरमै अधिवक्ता कँडेलमाथि दुर्व्यवहार

कृष्ण थापा

नुवाकोट — नुवाकोटको जिल्ला अदालत बार एसोसियसनका निवर्तमान अध्यक्ष एवं अधिवक्ता देवराज कँडेलमाथि दुर्व्यवहार गरिएको छ ।

बेलकोटगढी नगरपालिका-१३ स्थायी घर भई हाल काठमाडौं बस्ने हिता थापाले आफूविरुद्ध बहस गरेको विषयलाई लिएर अधिवक्ता कँडेलमाथि हातपातको प्रयास गरिएको भन्दै नुवाकोट जिल्ला अदालत बार एसोसियसनले जारी गरेको विज्ञप्तिमा उल्लेख छ ।

बारले अधिवक्ता कँडेलमाथि कुटपिट गर्न खोज्नेप्रति भर्त्सना प्रकट गरेको छ ।

बिहीबार अदालत परिसरमै उनीमाथि गालीगलौजका साथै हातपात नै गर्नपछि बारले विज्ञप्तिमार्फत बहस पैरवी गर्ने कानुन व्यवसायीको कर्तव्य एवं स्वच्छ सुनुवाइको हकप्रति सचेत रहन र आगामी दिनमा त्यस्ता घटनाहरू हुन नदिन सचेत गराउँदै बारले खेद प्रकट गरेको हो ।

प्रकाशित : पुस ३०, २०७८ १४:१२
पूरा पढ्नुहोस्
प्रतिक्रिया
पठाउनुहोस्
x
×