अर्थ समितिलाई कृषि सचिवको जवाफ: कर्मचारी अभाव हुँदा बजेट खर्च गर्न सकेनौं

'पुँजीगत खर्च हुन नसक्नुको मुख्य कारण कर्मचारी अभाव हो । ४५ प्रतिशतभन्दा कम कर्मचारीले काम गरिरहेका छौं' उनले भने 'मन्त्रालयअन्तर्गत सबैभन्दा बढी बजेट छुट्याइएको प्रधानमन्त्री कृषि आधुनिकरण परियोजनामै कर्मचारी छैनन् । यता कर्मचारी पठाए उता रिक्त हुने, उता पठाए यता खाली हुने अवस्था छ ।'

त्यस्तै, वार्षिक योजना तथा कार्यक्रमको पूर्व तयारीबिनै बजेट छुट्याइनु र त्यस्ता कार्यक्रममा श्रोत सुनिश्चितता नहुनु पनि समस्या रहेको उनले बताए ।चालू आर्थिक वर्षमा कृषि मन्त्रालयले ६५-७० प्रतिशत मात्रै पुँजीगत खर्च गर्न सक्ने अनुमान गरिएको पनि उनले बताए ।