नयाँ श्रम बजारको गन्तव्य खोजी गरौं : श्रम विज्ञ गणेश गुरुङ- अर्थ / वाणिज्य - कान्तिपुर समाचार

नयाँ श्रम बजारको गन्तव्य खोजी गरौं : श्रम विज्ञ गणेश गुरुङ

कान्तिपुर संवाददाता

काठमाडौँ — श्रम विज्ञ गणेश गुरुङले नेपाली श्रमिकहरू कम तलब भएका भारत, मलेसिया लगायत मुलुकमा काम गरिरहेकाले नयाँ श्रम बजार  खोज्न जरुरी रहेको बताएका छन्  । कान्तिपुर मिडिया ग्रुपले आयोजना गरेको ‘कान्तिपुर आईएमई  माइग्रेसन एण्ड समिट २०२१’ का मुख्य वक्ताको रुपमा रहेका गुरुङले श्रम बजारको नयाँ गन्तव्य खोजेर ब्राण्डिङ गर्नुपर्ने बताए ।

‘हाम्रो ब्राण्ड छ, तर प्रयोग गर्न सकेनौं । अहिले सबैभन्दा कम तलब भएको भारत, मलेसियामा श्रमिक पठाएका छौ,’ उनले भने, ‘श्रमिकको हितका लागि नयाँ श्रम गन्तव्य खोजी गरौं ।’ विश्व परिवेशमा १४ हजार कामदारको देहान्त भइसकेको उनले बताए ।

नेपालमा रहेका ५४ लाख घरधुरीमध्ये करिब ६० प्रतिशतको घरमा रेमिट्यान्स भित्रिएको उनले बताए । ‘हरेक दिन १५ सय विदेशिएका छन् । दैनिक २ अर्ब ६३ करोड २९ लाख रुपैयाँ रेमिट्यान्स भित्रिएको छ,’ गुरुङले भने, ‘यसले अर्थतन्त्रमा करिब २८ प्रतिशत योगदान गरेको छ । तर, सरकारको लगानी शून्य छ ।’

प्रकाशित : पुस १४, २०७८ १२:०९
प्रतिक्रिया
पठाउनुहोस्

समस्यामा परेका कामदारले नेपाली दूतावास र नियोगहरू भरिभराउ छन् : परराष्ट्रमन्त्री खड्का

कान्तिपुर संवाददाता

काठमाडौँ — परराष्ट्रमन्त्री नारायण खड्काले विभिन्न देशहरुमा रहेका नेपाली दूतावास र नियोगहरु समस्यामा परेका कामदारले भरिभराउ रहेको बताएका छन । ‘कान्तिपुर रेमिट एन्ड माइग्रेसन समिट २०२१’ बोल्दै खड्काले यस्तो बताएका हुन् । 

‘दूतावासहरुमा ठाउँ नै छैन । समस्यामा परेका कामदारहरुले भरिएका छन्,’ उनले भने, ‘तीमध्ये कोही अवैध तरिकाले गएका छन । कोहि पर्यटन भिषामा गएर अवैध रुपमा काम गरिरहेका व्यक्तिहरु छन । उनीहरु समस्या परिसकेपछि मात्रै हाम्रो सम्पर्कमा आउँछन ।’

यस्ता समस्यामा परेका कामदारहरुमा महिला बढी रहेको पनि उनले बताए । यही कारण परराष्ट्र मन्त्रालयमा वैदेशिक कामदारका समस्या बोकेर दैनिक निवेदनहरु पर्ने गरेका छन् ।

‘परराष्ट्र मन्त्रालयमा महिलाहरु हराएका जानकारी आउँछन् । उनीहरुको श्रमको शोषण भएको भनेर निवेदन आइपुग्छन् । उद्धारका लागि हामीले गरेको पहल पर्याप्त छैन,’ उनले भने ।

प्रकाशित : पुस १४, २०७८ १२:०७
पूरा पढ्नुहोस्
प्रतिक्रिया
पठाउनुहोस्
×