समस्यामा परेका कामदारले नेपाली दूतावास र नियोगहरू भरिभराउ छन् : परराष्ट्रमन्त्री खड्का
काठमाडौँ — परराष्ट्रमन्त्री नारायण खड्काले विभिन्न देशहरुमा रहेका नेपाली दूतावास र नियोगहरु समस्यामा परेका कामदारले भरिभराउ रहेको बताएका छन । ‘कान्तिपुर रेमिट एन्ड माइग्रेसन समिट २०२१’ बोल्दै खड्काले यस्तो बताएका हुन् ।
‘दूतावासहरुमा ठाउँ नै छैन । समस्यामा परेका कामदारहरुले भरिएका छन्,’ उनले भने, ‘तीमध्ये कोही अवैध तरिकाले गएका छन । कोहि पर्यटन भिषामा गएर अवैध रुपमा काम गरिरहेका व्यक्तिहरु छन । उनीहरु समस्या परिसकेपछि मात्रै हाम्रो सम्पर्कमा आउँछन ।’
यस्ता समस्यामा परेका कामदारहरुमा महिला बढी रहेको पनि उनले बताए । यही कारण परराष्ट्र मन्त्रालयमा वैदेशिक कामदारका समस्या बोकेर दैनिक निवेदनहरु पर्ने गरेका छन् ।
‘परराष्ट्र मन्त्रालयमा महिलाहरु हराएका जानकारी आउँछन् । उनीहरुको श्रमको शोषण भएको भनेर निवेदन आइपुग्छन् । उद्धारका लागि हामीले गरेको पहल पर्याप्त छैन,’ उनले भने ।
प्रकाशित : पुस १४, २०७८ १२:०७