धितोपत्र बोर्डका पूर्वअध्यक्ष ढुङ्गानाको मुद्दामा अन्तरिम आदेश भएन  

सर्वोत्तम सिमेन्टको सेयर कारोबारमा संलग्न भएको आरोपमा सरकारले ढुङ्गानालाई गत असोजमा सेबोन अध्यक्षबाट बर्खास्त गरेको थियो । त्यसअघि सर्वोत्तम सेयरको भित्री कारोबारमा संलग्न भए/नभएको बारे सरकारले अध्ययन समिति गठन गरी अनुसन्धान प्रतिवेदन तयार गरेको थियो । सोही प्रतिवेदनको सिफारिसका आधारमा मन्त्रिपरिषदको निर्णयमार्फत सरकारले ढुङ्गानालाई बर्खास्त गर्ने निर्णय गरेको थियो । ढुङ्गानाले सेबोन अध्यक्ष रहेकै बखत भित्री सूचनाका आधारमा छोरीका नाममा कम्पनीको सेयर खरिद गरेको पाइएको थियो ।

ढुङ्गानाको बर्खास्तपछि सेबोन अध्यक्ष चयनका लागि अर्थ मन्त्रालयले सिफारिस समिति गठन गरी आवेदन आह्वान गरेको थियो । तर, धितोपत्र ऐनमा मन्त्रिपरिषदको निर्णयबाट सिफारिस समिति गठन गर्नुपर्ने प्रावधान छ । उक्त प्रावधान विपरित मन्त्रिस्तरीय निर्णयबाट अर्थ मन्त्रालयले सिफारिस समिति गठन गरेको भन्दै विरोध भएको थियो । यहीं कारण सो समितिलाई खारेज गरी मन्त्रिपरिषदको निर्णयबाट सिफारिस समिति बनाउने अर्थ मन्त्रालय स्रोतले बताएको छ ।