१९.१२°C काठमाडौं
काठमाडौंमा वायुको गुणस्तर: १७०

गुण एयरलाइन्सले थाल्यो पोखरा - भरतपुर उडान, भैरहवा र नेपालगन्जमा थप्दै

काठमाडौँ — नेपालको निजी वायुसेवा कम्पनी गुण एयरलाइन्सले आजबाट पोखरा – भरतपुर नियमित हवाई  उडान शुरू गरेको छ । आन्तरिक पर्यटनलाई टेवा पुऱ्याउने उद्देश्यका साथ उडान सुरू गरिएको कम्पनीले जनाएको छ । साथै उडानको पहिलो दिन नै  यात्रुहरुबाट पुर्ण सहयोग प्राप्त भएकोले उत्साह मिलेको एयरलाइन्सले जनाएको छ । 

गुण एयरलाइन्सले थाल्यो पोखरा - भरतपुर उडान, भैरहवा र नेपालगन्जमा थप्दै

एयरलाइन्सले भोलि बिहीबारबाट पोखरा- भैरहवा र पर्सि शुक्रबारबाट पोखरा- नेपालगन्जको अन्तर प्रदेश उडान समेत दैनिक रुपमा गर्ने भएको छ । यसबाट आन्तरिक पर्यटन प्रबर्द्धनलाई ठूलो मद्दत पुग्ने, एक प्रमुख सहरबाट अर्को सहरमा पुग्न यात्रुलाई सहज हुने कम्पनीको भनाइ छ ।

एयरलाइन्सले आफ्ना दुई वटा अमेरिकी 'बिचक्राफ्ट' र बेलायती पाँच वटा 'जेट्स्ट्रीम'सहित कुल सात वटा विमानबाट सेवा दिँदै आएको छ । गुणले हाल काठमाडौंबाट भरतपुर, पोखरा , तुम्लिङटार भैरहवा नेपालगन्ज , विराटनगर, सिमरा र जनकपुरमा नियमित उडान गर्दै आएको छ ।

गुण एयरलाइन्सका प्रवक्ता एवम् बजार प्रमुख प्रज्वल थापाका अनुसार थप अन्य गन्तव्य सुर्खेत र भद्रपुरको लागि केही समयमै उडान भर्नेगरी तयारी गरिएको छ । यात्रुहरुलाई सुरक्षित र भरपर्दो हवाइ सेवा दिन कम्पनी सधैं तत्पर रहेको बताए ।

प्रकाशित : मंसिर ८, २०७८ १४:५२
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?